U Pinskim rajonie dzicia zapraŭlała bienzapiłu, skončyłasia kiepska
Dvanaccacihadovy padletak vyrašyŭ dapamahčy maci.
Dzicia zalivała bienzin u bak trymiera ŭ adrynie. Častku paliva chłopčyk vypadkova raźliŭ na padłohu. Padletak vyrašyŭ schavać heta, ale nietryvijalnym sposabam: jon padpaliŭ raźlitaje paliva.
Raptam adbyłasia ŭspyška, zahareŭsia bienzin i kanistra. Padletak pasprabavaŭ vynieści jaje na vulicu, ale paśpiašaŭsia i praliŭ paliva sabie na nohi. U vyniku na dziciaci zaharełasia adzieńnie.
Padletak zmoh siabie apieratyŭna patušyć, a zatym vyklikaŭ supracoŭnikaŭ MNS — da taho času ŭ adrynie pačaŭsia pažar. Dzicia ŭ vyniku špitalizavali z apiokami 6% cieła.
Kamientary