Rasijski ciahnik, jaki zamienić štadleraŭski, prybyŭ u minskaje mietro. Voś jak jon vyhladaje
Zavod «Mietrovahonmaš» (MVM) adpraviŭ u Biełaruś pieršy ciahnik mietro «Minsk-2024». Jon pryznačany dla pracy ŭ mietrapalitenie stalicy. Hety ruchomy sastaŭ zusim chutka pačnie kursiravać pa treciaj linii staličnaj padziemki. Da kanca 2024 hoda zapłanavana pieradača jašče šaści sastavaŭ, piša «Točka».
Kantrakt na pastaŭku ŭ stalicu Biełarusi 28 vahonaŭ byŭ padpisany pamiž MVM i Minskim mietrapalitenam u sakaviku 2023 hoda.
Vahony mietro «Minsk-2024» raspracavany kanstruktarami kampanii «TMCH Inžynirynh» śpiecyjalna dla ekspłuatacyi va ŭmovach Minskaha mietrapalitena ŭ adpaviednaści z techničnym zadańniem zakazčyka.
Jany adpaviadajuć aktualnym patrabavańniam, jakija pradjaŭlajucca da biaśpieki i kamfartabielnaści ciahnikoŭ.
U kanstrukcyju vahonaŭ zakładziena prymianieńnie kamplektujučych vytvorčaści biełaruskich pradpryjemstvaŭ.
Ciahniki prajektavalisia dla ekspłuatacyi na Zielenałužskaj linii Minskaha mietrapalitena. Tam vykarystoŭvajucca płatformiennyja dźviery.
Dla dakładnaha sumiaščeńnia prajomaŭ dźviarej ciahnika i płatformiennych dźviarej jaho pramiežkavyja vahony skaročanyja pa daŭžyni na 140 mm, a hałaŭnyja — na 70 mm i abstalavany nieabchodnym abstalavańniem dla sinchranizacyi.
Padvyšanaja ŭvaha nadadziena erhanomicy pracoŭnaha miesca mašynista. Pult kiravańnia byŭ poŭnaściu pierapracavany ŭ adpaviednaści z pažadańniami zakazčyka.
Na mascy hałaŭnoha vahona, u piaredniaj častcy kabiny mašynista ŭstalavany evakuacyjny trap. Jon dazvalaje biaśpiečna spuskacca ŭ tunel u vypadku ŭźniknieńnia niaštatnaj situacyi.
Novyja vahony mietro abstalavany pašyranymi dźviarnymi prajomami i skraznymi bočkapadobnymi mižvahonnymi pierachodami. Heta robić pajezdki bolš kamfortnymi ŭ hadziny pik i pavialičvaje źmiaščalnaść ciahnika.
U kanstrukcyi vahonaŭ užyvajucca dźviarnyja miechanizmy ź sistemaj abarony ad vypadkovaha zacisku.
U pasažyrskich sałonach ustanoŭleny erhanamičnyja siadzieńni sa znosaŭstojlivaj miakkaj tkaniny (41 miesca dla siadzieńnia ŭ hałaŭnych vahonach i 44 — u pramiežkavych), poručni ź ciopłym pakryćciom, sučasnyja sistemy adaptyŭnaha aśviatleńnia, zabieśpiačeńnia mikraklimatu z prymusovaj vientylacyjaj i abiezzaražańnia pavietra, videanazirańnia, vyjaŭleńnia tušeńnia pažaru, infarmavańnia pasažyraŭ, USB-razietki dla zaradki elektronnych pryład.
Hałaŭnyja vahony abstalavany miescami z aporaj dla dziciačych kalasak i małamabilnych pasažyraŭ.
Ruchomy sastaŭ zabiaśpiečany šuma– i ciepłaizalacyjaj, sučasnymi asinchronnymi ciahavymi elektraruchavikami ajčynnaj vytvorčaści. U eksterjery ciahnika «Minsk-2024» vykarystany firmiennyja kolery mietrapalitena stalicy.
Usie vahony novaha ciahnika matornyja. Kanstrukcyjnaja chutkaść — 90 km/h. Termin słužby vahonaŭ mietro składaje 30 hod.
Zavod «Mietrovahonmaš» supracoŭničaje ź Minskim mietrapalitenam z momantu adkryćcia padziemki ŭ 1984 hodzie. Ciapier u mietro biełaruskaj stalicy ekspłuatujucca 346 vahonaŭ, vyrablenych na pradpryjemstvach Transmašchołdynha.
Vahony prybyli ŭ Minsk naŭzamien ruchomaha sastavu ad «Štadlera». Raniej paviedamlałasia ab padpisańni «Štadleram» pahadnieńnia ź Minskim mietrapalitenam na pastaŭku 19 novych sastavaŭ da 2025 hoda. Ale paźniej stała viadoma, što pastavak sa «Štadlera» nie budzie, novy kantrakt u mietrapalitena zaklučany z rasijskim «Mietrovahonmašam».
Niemahčymaść vykanać kantrakt z boku «Štadlera» ŭłady nazvali «admovaj u vyniku sankcyjnaha cisku».
Ideołah Minabarony raskazaŭ, što hulniu Pokemon Go vykarystoŭvali dla špijanažu — źbirali danyja pra avijabazu ŭ Mačuliščach9
Kamientary