The Warsaw, jaki pačynaŭsia ź nievialikaha pablika ŭ sacsietkach, za niekalki hadoŭ pieratvaryŭsia ŭ hałoŭnaje miedyja dla emihrantaŭ z postsavieckaj prastory.
Na historyju stvareńnia prajekta pralili śviatło ŭ novym vypusku šou «o(b)suždajem». U hetym miedyja siońnia pracuje i Hleb Siamionaŭ, adzin ź viadoŭcaŭ šou.
Ruskamoŭnyja pabliki pra Varšavu, aryjentavanyja na mihrantaŭ z postsavieckaj prastory, za apošnija hady pieraraśli ŭ sapraŭdnaje miedyja sa svaim sajtam i papularnymi akaŭntami ŭ sacsietkach. Naprykład, instahram The Warsaw siońnia maje bolš za 140 tysiač padpisčykaŭ.
Pryčyna takoj papularnaści nie tolki ŭ jakasnym i dastupnym kantencie, ale i ŭ toj vielizarnaj płyni mihrantaŭ, jakija biahuć ź Biełarusi, Rasii i Ukrainy ad represij ci ad vajny. Mnohija emihranty, jakija jašče nie całkam źlilisia z polskamoŭnym asiarodździem, atrymlivajuć infarmacyju pra padziei ŭ polskaj stalicy z The Warsaw.
Ale mienavita biełarusy faktyčna stali infarmacyjnymi manapalistami ŭ Varšavie siarod ruskamoŭnaj aŭdytoryi. Zaprošany ŭ šou stvaralnik The Warsaw biełaruski ajcišnik Uład Łáŭryš, ličyć, što takaja situacyja skłałasia vypadkova.
Sam jon pryjechaŭ u Polšču zadoŭha da trahičnych padziej apošnich hadoŭ i siońnia zbolšaha zajmajecca raźvićciom ułasna stvoranaha miedyja.
Pieršyja dumki stvaryć taki prajekt u chłopca źjavilisia jašče ŭ 2017 hodzie, kali tolki pierajechaŭ u Varšavu. Tady jon nie viedaŭ čym zaniać siabie ŭviečary ŭ horadzie. Svaju prablemu Łaŭryš vyrašyŭ sam — pačaŭ manitoryć polskija resursy ź mierapryjemstvami i vieści pablik «Kudy pajści ŭ Varšavie». Pierakład na ruskuju movu dapamoh jamu vyvučyć polskuju movu.
Błoh spačatku nie prynosiŭ nijakaha prybytku. Ale novy prajekt The Warsaw, jaki źjaviŭsia ŭ 2019 hodzie, Łaŭryš stvaraŭ užo majučy dobryja suviazi. Prajekt za piać hadoŭ vyras da vialikaha i prybytkovaha haradskoha vydańnia.
Na stvareńnie jašče adnaho błoha «Jak žyć u Varšavie», u jakim sam Łaŭryš robić ahlady kaviarniaŭ, vystavak i cikavostak polskaj stalicy, jak pryznajecca chłopiec, jaho natchniŭ minski fudbłohier Kakabaj.
«Naša Niva» — bastyjon biełaruščyny
PADTRYMAĆ«Chiejtu ŭ maim žyćci było šmat». Što za dziaŭčyna zdymaje biełaruskich artystaŭ i papularnaje biełaruskaje jutub-šou «O(b)suždajem»
Manietačka raskazała pra svaje biełaruskija karani
Viadomy błohier nabyŭ kvateru ŭ Polščy — voś jak heta ŭ jaho atrymałasia
Zhubilisia ŭ biełaruskim jutubie? Voś ažno 17 kanałaŭ — znojdziecie svoj
«Navat jaho prychilniki zrazumieli, što žyć jak raniej užo nie atrymajecca». Biełarusy raskazali pra atmaśfieru ŭ krainie napiaredadni vybaraŭ2
Kamientary
Ale adnosna prajektu, tam časta traplalisia kapipasty ci pieradruki navin zusim biez asensavańnia, faktčekinhu, pravierki ci tłumačeńnia dla "zialonych" u temie, tak što tak sabie. Lepš užo b biełarusy ŭ biełaruskich ŚMI čytali, što ŭ Polščy (chacia tut taksama jość padobnyja prablemy), a najlepš u miascovych polskich. Nu chiba, što jość achvota žyć u rasiejska(moŭnym) hieta.
Jašče ŭźnikaje pytańnie, ci takich hramadzianam RB nie soramna ciahnuć rasiejščynu za miažu? Asabliva ŭ Polšču z ulikam jaje historyi, śviadomaści i kultury. Ci ŭźnikaje choć "piksiel" refleksii ŭ hetych biełorusskich maładzionaŭ?