Biełaruskija mytniki pierakryli najbujniejšuju ŭ historyi pastaŭku partyi narkotykaŭ
Biełaruskija mytniki raskryli złačynnuju schiemu hrupy asob, jakija sprabavali zavieźci ŭ krainu 1077 kh narkotykaŭ, paviedamlaje pres-słužba viedamstva.
Havorka idzie ab vyjaŭlenaj najbujniejšaj u historyi suvierennaj Biełarusi partyi narkotykaŭ i psichatropaŭ. Jaje pieršuju častku, vahoj bolš za 184 kh hašyšu, mytniki znajšli, nadhladajučy polski hruzavik, u punkcie propusku «Kazłovičy».
Druhuju častku hruzu takoj ža vahi kanfiskavała Viciebskaja mytnia pry sprobie adpraŭki narkotykaŭ u Rasiju. Pry hetym byŭ zatrymany biełarus — saŭdzielnik złačynnaj hrupy. Śpiecmierapryjemstvy, praviedzienyja mytnikami, dazvolili vyjavić miesca zboru i zachoŭvańnia narkotykaŭ dla vyvazu ŭ Rasiju.
U vyniku pry sprobie źjechać złačyncu zatrymali, jon sprabavaŭ vyvieźci 706 kh psichatropu.
Kryminalnyja spravy adkrytyja ŭ dačynieńni da ŭsioj hrupy asob, jakija ŭdzielničali ŭ arhanizacyi kanała pastavak narkotykaŭ.
-
«Na abočynie lažyć trup mužčyny». Surjoznaja avaryja na trasie Minsk — Homiel
-
U Hrodnie hanialisia za taksistam-kamikadze. Jon abhaniaŭ pa dźviuch pałosach na sustrečcy
-
Šnobiel-2024: chto zdolny dychać praz anus, jak adździalić pjanych čarviakoŭ ad ćviarozych i ci možna hołuba vykarystać dla naviadzieńnia rakiet
Kamientary