U Hrodnie hanialisia za taksistam-kamikadze. Jon abhaniaŭ pa dźviuch pałosach na sustrečcy
Zaraz u kiroŭcy, jaki ździejśniŭ vielmi niebiaśpiečny abhon tralejbusa, mohuć zabrać pravy.
Sprava była skryžavańni Dziaržynskaha—Cieraškovaj. Kiroŭca Volkswagen niebiaśpiečna abhaniaŭ tralejbus pa sustrečcy.
Taksist na skryžavańni praciahnuŭ ruch pa levaj pałasie, choć ź jaje mahčymy byŭ tolki pavarot naleva. U vyniku Volkswagen ledź nie ŭlacieŭ u mašynu, jakaja stajała na sustrečnaj pałasie na śviatłafory. Kab paźbiehnuć sutyknieńnia, taksistu pryjšłosia zrušycca jašče laviej na sustrečcy.
Videa apublikavaŭ partał «AŭtaHrodna». Jaho zaŭvažyli ŭ DAI i znajšli parušalnika. Im akazaŭsia 30-hadovy mužčyna. Na taksista skłali dva pratakoły. Za parušeńnie praviłaŭ manieŭravańnia jon atrymaŭ štraf 40 rubloŭ.
Pa pratakole za parušeńnie praviłaŭ abhonu jon moža być aštrafavany na sumu ad 80 da 400 rubloŭ, taksama kiroŭcu mohuć pazbavić pravoŭ na termin da hoda.
Eks-kandydatku ŭ prezidenty Taćcianu Karatkievič pasadzili na 15 sutak16
Eks-kandydatku ŭ prezidenty Taćcianu Karatkievič pasadzili na 15 sutak
«Toje, što chtości siadzić za palityku, źjaŭlajecca častkaj piejzažu». Biełaruska, jakaja naviedała radzimu paśla doŭhaha pierapynku, padzialiłasia ŭražańniami99
Kamientary