Paśla letniaj zasuchi ŭ Dunai pakazalisia zatoplenyja niamieckija karabli časoŭ Druhoj suśvietnaj vajny
Reštki patanułych karabloŭ nacysckaj Hiermanii, načynienych vybuchoŭkaj, znajšli niedaloka ad račnoha porta Prachava ŭ Sierbii. Sudny pabačyli paśla letniaj zasuchi, kali ŭzrovień vady ŭ race ŭpaŭ, piša CNN.
Taksama čatyry karabli vyjavili ŭ Vienhryi, u nacyjanalnym parku Dunaj-Drava, niedaloka ad Mochača. Tam uzrovień vady 10 vieraśnia 2024 hoda składaŭ usiaho 1,5 mietra.
Znojdzienaja ŭ Prachavie častka fłotu nacysckaj Hiermanii była zatoplenaja ŭ 1944 hodzie, kali fašysty adstupali. U niekatorych karabloŭ, jakija byli raskidanyja na dnie raki, zachavalisia viežy, złamanyja mačty, złamanyja karpusy i kapitanskija mastki. Inšyja sudny ŭ asnoŭnym znachodziacca pad vadoj pad piaščanymi vodmielami.
Pra adzin z karabloŭ achoŭnik nacyjanalnaha parku Dunaj-Drava Endre Stelik skazaŭ tak:
«My dahetul nie viedajem, što heta takoje. Vidać, i heta sumny fakt, što abłomki sudna pamianšajucca, pakolki ludzi cikaviacca imi, i niekatoryja ich častki źnikajuć».
Jak paviedamlajecca, u Vienhryi ŭ rajonie vyjaŭleńnia karabloŭ 9 vieraśnia pačalisia daždžy, tamu čakajuć, što ŭzrovień vady ŭ Dunai padymiecca da vychadnych da troch mietraŭ. Vyjaŭlenyja sudny, chutčej za ŭsio, znoŭ apynucca pad vadoj.
«Pahladzicie, što narabili mužčyny». Maryna Mientusava — pra žančyn, što vyratujuć śviet, pracu ŭ Rasii, asabistaje žyćcio i «Obyčnoje utro»31
«Pahladzicie, što narabili mužčyny». Maryna Mientusava — pra žančyn, što vyratujuć śviet, pracu ŭ Rasii, asabistaje žyćcio i «Obyčnoje utro»
«Toje, što chtości siadzić za palityku, źjaŭlajecca častkaj piejzažu». Biełaruska, jakaja naviedała radzimu paśla doŭhaha pierapynku, padzialiłasia ŭražańniami1010
Kamientary