Palitźniavolenaha Eduarda Babaryku pryznali vinavatym pavodle č. 2 art. 411 Kryminalnaha kodeksu (złosnaje niepadparadkavańnie patrabavańniam administracyi papraŭčaj ustanovy).
![](http://d3kcf2pe5t7rrb.cloudfront.net/img/w840d4webp1/photos/z_2024_07/babaryka2407112-dioxh.jpg.webp)
Spačatku paviedamlałasia, što jaho asudzili na paŭtara hoda, ale vyśvietliłasia, što termin bolšy. Pavodle ŭdakładnienaj infarmacyi «Viasny», Eduarda asudzili da dvuch hadoŭ pazbaŭleńnia voli.
Spravu razhladaŭ sudździa Pavieł Karcinin na vyjaznym pasiadžeńni ŭ kałonii.
Eduarda Babaryku zatrymali jašče ŭ červieni 2020 hoda razam z baćkam Viktaram Babarykam. Tolki ŭ lipieni 2023 hoda jaho asudzili da 8 hadoŭ źniavoleńnia. Pry hetym u termin nie zaličyli čas utrymańnia ŭ SIZA KDB pa pieršapačatkovym abvinavačvańni — paŭtara hoda. Jaho pryznali vinavatym pavodle troch artykułaŭ Kryminalnaha kodeksa. Termin palitviazień adbyvaje ŭ babrujskaj kałonii № 2. Tam na jaho ŭvieś čas cisnuła administracyja kałonii, a z 1 krasavika jaho źmiaścili ŭ PKT.
Kamientary