Na miescy ŭdaru pa dziciačaj klinicy ŭ Kijevie znajšli frahmienty rasijskaj rakiety
SBU vyjaviła novyja dokazy taho, što ŭdaryła pa balnicy mienavita Rasija.
![](http://d3kcf2pe5t7rrb.cloudfront.net/img/w840d4webp1/photos/z_2024_07/1-pqy2k.jpg.webp)
Na miescy ŭdaru pa dziciačaj klinicy «Achmatdziet» u Kijevie znajšli frahmienty rasijskaj rakiety Ch-101. U pryvatnaści, na miescy trahiedyi znojdzieny abłomak ruchavika kryłataj rakiety, paviedamlaje SBU.
Taksama znojdzieny abłomak miechanizmu raskryćcia kryłaŭ, abłomak błoka pastanoŭki pieraškod, siaredniaja častka korpusa, abciakalnik chvastavoha adsieka i abłomak hidrabłoka kryłataj rakiety, abłomki kažucha ruchavika z bačnaściu invientarnaha i sieryjnaha numaroŭ.
Śledča-apieratyŭnaja hrupa SBU pracuje na miescy trahiedyi ź pieršych chvilin i robić usio mahčymaje, kab sabrać kožny rečavy dokaz.
U SBU adznačajuć, što takija razbureńni nie mahli być vyklikanyja trapleńniem rakiety ZRK NASAMS — jaje bajavaja častka značna mienš mahutnaja, čym u rasiejskaj rakiecie Ch-101.
Akramia taho, praporcyi, forma i pamiery rakiety, zafiksavanaj na videa, całkam adpaviadajuć rakiecie Ch-101, i, naadvarot, nie charakternyja dla zienitnych rakiet. Naniasieńnie ŭdaru rakietaj avijacyjnaha bazavańnia Ch-101 taksama było zafiksavana materyjałami abjektyŭnaha kantrolu z dapamohaj radaraŭ.
U vyniku rakietnaha ŭdaru pa najbujniejšaj dziciačaj balnicy ŭ Kijevie byŭ całkam razburany adzin z karpusoŭ. Pavodle apošnich źviestak, paciarpieli 32 čałavieki, u tym liku vosiem dziaciej.
Ukraincaŭ skaryła VIDEA, jak vieteran na pratezie raźbiraje zavały dziciačaj kliniki ŭ Kijevie. Akazałasia, heta biełarus
Udar pa dziciačaj balnicy ŭ Kijevie byŭ naniesieny rasijskaj rakietaj. Voś jakija dokazy
Puhačova adreahavała na rakietny ŭdar pa dziciačaj balnicy ŭ Kijevie
Avaryjna-vyratavalnyja raboty na miescy ŭdaru pa balnicy «Achmatdziet» zavieršanyja
Viasnoju Cierciel zajaviŭ, što va ŭkrainskich balnicach terarysty chavajucca za śpinami dziaciej. Učora rasijanie ŭdaryli pa «Achmatdziet»
Kamientary
https://www.unian.ua/society/pomsta-bude-vichnoyu-rosiyska-raketa-vbila-10-richnogo-karatista-z-sestroyu-ta-mamoyu-12691359.html