Śviet33

ZŠA papiaredžvali Rasiju ab terarystyčnym napadzie mienavita ŭ «Krokusie» — The Washington Post

Washington Post apublikavała artykuł, u jakim ananimnyja krynicy z amierykanskich uładnych kołaŭ raskazvajuć: Rasiju papiaredžvali ab padrychtoŭcy napadu «Isłamskaj dziaržavy» mienavita ŭ «Krokus Sici Chole».

Terakt u «Krokusie», 22 sakavika 2024 h. Fota: AP Photo / Dmitry Serebryakov

The Washington Post sa spasyłkaj na ananimnych amierykanskich čynoŭnikaŭ śćviardžaje, što za dva tydni da teraktu ŭrad ZŠA prainfarmavaŭ rasijskich čynoŭnikaŭ, što mienavita «Krokus Sici Choł» źjaŭlajecca patencyjnaj mišeńniu dla terarystaŭ.

Aficyjnyja asoby i ekśpierty, ź jakimi razmaŭlali žurnalisty vydańnia, adznačajuć: choć Vašynhton rehularna dzielicca infarmacyjaj ab mahčymych terarystyčnych atakach z zamiežnymi krainami, u adpaviednaści z palitykaj, viadomaj jak «abaviazak papiaredžvać», paviedamleńnie infarmacyi ab kankretnych metach sapierniku źjaŭlajecca niezvyčajnym. Heta moža pryvieści da raskryćcia taho, jak Złučanyja Štaty atrymali hetuju infarmacyju, što patencyjna moža pastavić pad pahrozu tajemnuju dziejnaść pa nazirańni ci ludziej-krynic infarmacyi.

Miž tym, u aŭtorak kiraŭnik rasijskaj Słužby źniešniaj raźviedki Siarhiej Naryškin skazaŭ, što FSB atrymała ad amierykanskich śpiecsłužbaŭ «peŭnuju infarmacyju», ale hetaja «infarmacyja była zanadta ahulnaj i nie dazvoliła vyjavić da kanca tych, chto ŭdzielničaŭ u hetym strašnym złačynstvie».

Krynicy Washington Post taksama raspaviali, što infarmacyja była pieradadzienaja rasijskamu boku 6 sakavika. Na nastupny dzień amierykanskaja ambasada ŭ Maskvie apublikavała papiaredžańnie dla svaich hramadzian pra pahrozu napadu — u im u jakaści vierahodnych abjektaŭ napadu nazyvalisia «kancerty». 

Pry hetym, piša WP, byli prykmiety taho, što rasijskija ŭłady na pačatkovym etapie pastavilisia da papiaredžańnia surjozna. Pa słovach adnaho z surazmoŭcaŭ vydańnia, paviedamleńnie ZŠA ŭklučała ŭ tym liku infarmacyju ab padrychtoŭcy terakta ŭ sinahozie. Na nastupny dzień FSB adčytałasia, što praduchiliła napad IDIŁ na sinahohu ŭ Maskvie. 

Vydańnie źviartaje ŭvahu na słovy 15-hadovaha Isłama Chaliłava, jaki ŭ noč napadzieńnia pracavaŭ u harderobie kancertnaj zały, pra toje, što supracoŭnikam «Krokusa» paviedamili pra mahčymaść teraktu nieŭzabavie paśla publičnaha papiaredžańnia 7 sakavika.

«Nas papiaredzili, što mohuć być ataki terarystyčnyja. [Byŭ] Instruktaž, nam kazali, što rabić, [kudy] vieści ludziej», — skazaŭ Chaliłaŭ u intervju viadomamu rasijskamu spartyŭnamu žurnalistu Źmicieru Jahoravu. Chaliłaŭ paviedamiŭ, što na tym tydni, jak ich instruktavali, byli «samyja žorstkija pravierki, z sabakami chadzili».

Čamu biaśpieka nie była ŭzmocniena i nie padtrymana paśla pieršapačatkovaha papiaredžańnia, zastajecca niezrazumiełym. Całkam mahčyma, što rasijskija słužby biaśpieki, nie bačačy, što ataka adbyłasia nieŭzabavie paśla 7 sakavika, vyrašyli, što infarmacyja ZŠA niapravilnaja, i asłabili pilnaść, vykazali zdahadku niekatoryja amierykanskija słužbovyja asoby.

Za try dni da terakta, 22 sakavika, Uładzimir Pucin nazvaŭ «pravakacyjnyja zajavy» zachodnich uładaŭ pra mahčymyja terakty ŭ Rasii «adkrytym šantažom» i namieram destabilizavać hramadstva.

Adkaznaść za terakt praktyčna adrazu ŭziała na siabie jačejka IDIŁ u Afhanistanie pad nazvaj «Viłajat Charasan». Adnak rasijskija ŭłady «bačać» u terakcie «ŭkrainski śled».

Uładzimir Pucin, jaki vystupiŭ pierad rasijanami tolki praz 19 hadzin paśla teraktu, skazaŭ, što dla terarystaŭ, jakija jechali va Ukrainu, z ukrainskaha boku było «padrychtavana akno» dla pierasiačeńnia miažy.

Pavodle apošnich źviestak, u terakcie zahinuli 144 čałavieki, bolš za 380 paciarpieli, dziasiatki čałaviek zastajucca ŭ śpisach źnikłych bieź viestak.

Kamientary3

  • Cyc
    03.04.2024
    Jak i pra Pryhožyna. A kali pačaŭsia bunt Pryhožyna - ZŠA cisnuli na Ukrainu, kab jany nie atakavali rasieju ŭ hety čas. Bajden že vrach Pucina. Heta Tramp jaho ahient. Nie błytajcie!
  • Mafkees
    03.04.2024
    Vot vam niedorohije(diešievyje i odnorazovyje) rozzianie vłasť kotoruju vy zasłužili. Vy dla putiena miaso na raźvies,a nataški vaši budut rožať ot kitajciev i tadžikov,poka vas dojedajut čiervi v okopach.
  • Očieriednoj riazanskij sacharok
    03.04.2024
    U koho-to jeŝie jesť somnienija čto za tieraktom stoit krieml i fsb? Im ukazali dažie miesto, pričiem eto sdiełali mnohije zapadnyje strany i po nieskolko raz, dažie Iran i tot proinformirovał Rośsiju. No Putin i jeho fsb vsie śpiecialno proihnorirovali čtoby ispolzovať eto v svoich cielach. Imienno poetomu hruppa siłovikov jechała do krokusa boleje časa, chotia tuda možno było dojti za 10 minut, t.k. tam v piati minutach baza OMONa, roshvardija, policiejskij učastok i td.

Banki źnižajuć prybytkovaść pa valutnych depazitach da 0,1%. Tłumačym matematyku

Banki źnižajuć prybytkovaść pa valutnych depazitach da 0,1%. Tłumačym matematyku

Usie naviny →
Usie naviny

Aryna Sabalenka: Plačo zažyło. Na hetym tydni ja pačynaju hulać1

Kamaroŭski rynak pieratvaryŭsia ŭ sapraŭdnaje mora VIDEA6

Siłaviki ŭ Breście zatrymali dyrektara kampanii za ŭdzieł u pratestach u žniŭni 2020 hoda

U Minsku z-za patopu zakryli stancyju mietro «Park Čaluskincaŭ» VIDEA

«U Biełarusi maju muzyku rekłamavała KDB, a ŭ Polščy — palicyja». Bancar prakamientavaŭ svajo zatrymańnie ŭ Varšavie9

Litva raźviarnuła na miažy bolš za 20 mašyn ź Biełarusi — u tym liku z hramadziankaj Litvy za rulom5

Minsk siońnia pajšoŭ pad vadu FOTY13

Amierykaniec u 14 hadoŭ staŭ samym maładym futbalistam u historyi Amierykanskaj futbolnaj lihi

«Rychtujucca da vajny, a hienieratary nie ŭ stanie kupić». Što raskazvajuć pra situacyju ŭ Mazyry miascovyja žychary3

bolš čytanych navin
bolš łajkanych navin

Banki źnižajuć prybytkovaść pa valutnych depazitach da 0,1%. Tłumačym matematyku

Banki źnižajuć prybytkovaść pa valutnych depazitach da 0,1%. Tłumačym matematyku

Hałoŭnaje
Usie naviny →