Kiraŭnik ANT Markaŭ: Mnie b chaciełasia, kab my pajšli dalej, kab u atačeńni «Vahniera» i 3214 pili spakojna kavu na Jelisiejskich palach
Kiraŭnik dziaržaŭnaha telekanała ANT Marat Markaŭ u pieradačy «Kłub redaktaraŭ» parazvažaŭ pra jadziernuju zbroju ŭ Biełarusi i pryhraziŭ Jeŭropie.
Markaŭ paradavaŭsia, što ŭ Biełaruś zavieźli jadziernuju zbroju.
«Kali b hetaha rašeńnia nie było, nijakaj harantyi, što my b žyli ŭ miry, i pierśpiektyvy na takoje žyćcio ŭ nas by nie było apryjory», — zajaviŭ jon.
Nahadajem, što 25 maja 2023 hoda ministry abarony Biełarusi i Rasii Viktar Chrenin i Siarhiej Šajhu padpisali dakumienty, jakija vyznačajuć paradak utrymańnia rasijskaj niestratehičnaj jadziernaj zbroi ŭ śpiecyjalnym schoviščy na terytoryi Biełarusi. Płanavałasia, što zbroja budzie zavieziena da 6 lipienia.
27 červienia Łukašenka skazaŭ, što bolšaja častka rasijskaj taktyčnaj jadziernaj zbroi zaviezienaja ŭ Biełaruś. A 22 lipienia amierykanskaja raźviedka zajaviła, što ŭ Biełaruś zavieziena pieršaja partyja takoj zbroi.
Kiraŭnik ANT dadaŭ, što heta rašeńnie — tolki pieršy krok.
«Mnie b tak chaciełasia, kab my pajšli dalej. Tamu što jak by tam ni było, u supakoi nas pakidać nichto nie źbirajecca, jany buduć sprabavać nas maksimalna razhojdvać usimi sposabami z-za miažy. Dabro pavinna być z kułakami».
Jon zhadaŭ słovy Łukašenki, što ŭ Biełarusi zachavalisia praktyčna ŭsie placoŭki pad rakietnyja kompleksy «Tapola».
«Mnie vielmi chočacca, pakolki jany [Zachad] tak marać nas źniščyć usich i, nie saromiejučysia ŭžo, pra heta havorać, kab vynikam hetaha źniščeńnia było toje, što my ŭ atačeńni «Vahniera» i 3214 pili b spakojna kavu niedzie jašče raz na Jelisiejskich palach»,
— vykazaŭsia Markaŭ.
Prapahandystka parazvažała pra ChatGPT i raskazała, jakoha biełaruskaha dziejača nie zmoža zamianić niejrasietka
Byłaja supracoŭnica STB: Azaronak adnym ź pieršych skinuŭsia hrašyma apierataru na Akreścina, a Pustavy spravazdačyŭsia mamie, što pajeŭ
Režysiorka ANT: Na intervju z Pratasievičam išła ŭ majcy ź pierakreślenym słovam «revalucyja», čyrvona‑zialonych branzaletach i z žadańniem jaho razmazać
Zatrymali Ihara Iljaša, muža palitźniavolenaj Kaciaryny Andrejevaj3
Kamientary