Rasijskaja žurnalistka zahinuła ŭ hateli ŭ Taškiencie: jana zadychnułasia bałotnym hazam u svaim numary
Pavodle papiaredniaj viersii, žančyna atruciłasia hazam, jaki trapiŭ u vientylacyjnuju sistemu. Razam ź joj zahinuŭ mužčyna, pra jakoha padrabiaznaściej niama.
Inesa Papiernaja, jakaja pracavała ŭ vydańni «Lenta» i časopisie «Profil», pryjechała va Uźbiekistan u adpačynak. U hateli «Karaman Pałas» jana spyniłasia sa svaim spadarožnikam. Uviečary 20 kastryčnika Inesie pryjšła pasyłka.
Supracoŭniki hatela nie zmahli datelefanavacca da pastajałki, na hruk u dźviery taksama nichto nie adkazvaŭ. Vyrašyli adkryć numar. Unutry znachodziłasia dva cieły: Papiernaj i jaje siabra, raspaviadaje «Baza».
Pavodle papiaredniaj viersii, zahinułyja atrucilisia hazam, jaki trapiŭ u vientylacyjnuju sistemu.
U noč z 19 na 20 vieraśnia ŭ hateli čyścili basiejn — miarkujučy pa ŭsim, haz padniaŭsia pa stajaku i prasačyŭsia ŭ numar Papiernaj. Pavodle źviestak «Bazy», paśla zdareńnia «Karaman Pałas» apiačatali, ciapier idzie rasśledavańnie. Cieła žurnalistki ciaham dvuch dzion dastaviać u Maskvu.
-
U Asipovickim rajonie kiroŭca čakaŭ na avaryjcy DAI, a ŭ jahony aŭtamabil urezałasia inšaja mašyna
-
U Smarhoni pjany chłopiec tak zasmuciŭsia, što va ŭsich mašyny jość, a ŭ jaho niama, što raźbiŭ 9 aŭto i zasnuŭ u adnoj ź ich
-
Stała viadoma pryčyna śmierci mužčyny, cieła jakoha niekalki dzion pralažała ŭ pryparkavanaj mašynie ŭ Mazyry
Kamientary
Na mnoho bližie i diešievle Tajłanda.