Źnikłaja ŭ Izraili niamieckaja dziaŭčyna Šani Łuk znachodzicca ŭ ciažkim stanie ŭ balnicy ŭ siektary Haza
Šani pryjechała na fiestyval Nature Party, jaki ładziŭsia pablizu siektara Haza i byŭ razhromleny paleścinskimi bajevikami ranicaj u subotu. Na miescy praviadzieńnia znajšli 260 cieł.
Źnikłaja ŭ Izraili niamieckaja dziaŭčyna Šani Łuk, kadry ź jakoj ablacieli śviet, znachodzicca ŭ ciažkim stanie ŭ balnicy ŭ siektary Haza, joj patrebna evakuacyja, paviedamiła ŭ sacsietkach maci dziaŭčyny, piša partał newsru.co.il.
Šani Łuk pryjechała na fiestyval Nature Party ŭ Izraili, jaki byŭ razhromleny paleścinskimi bajevikami ranicaj u subotu. Na poli znajšli kala 260 cieł, mnohija ŭdzielniki fiestyvalu byli zachoplenyja ŭ pałon.
Šani trapiła na videa, jakoje raspaŭsiudžvałasia ŭ sacsietkach, dziaŭčyna lažała ŭ hruzaviku raspranutaja i mocna źbitaja.
Maci Šani try dni tamu zapisała zvarot. Žančyna trymała fatahrafiju dački na mabilnym telefonie i havaryła: «Siońnia ranicaj maju dačku vykrali razam z hrupaj turystaŭ na poŭdni Izraila. Nam dasłali videa, na jakim ja dakładna paznała našu dačku. Biez prytomnaści, u mašynie z paleścincami, kali jany zajazdžali ŭ siektar Haza. Prašu luboj dapamohi, luboj infarmacyi».
Ciotka, dziadźka i dziadula Šani Łuk taksama vykazali spadzieŭ, što dziaŭčyna jašče žyvaja i budzie vyzvalena. Da spravy padklučyłasia navat pasolstva Niamieččyny.
Aŭstryjski Raiffeisen Bank pradaŭ Pryjorbank arabam2
Kamientary