«Nikoł Pašynian prosta zrabiŭ podłaść». Prapahandysty adreahavali na sustreču Cichanoŭskaj i premjera Armienii
Padčas samitu Jeŭrapiejskaj palityčnaj supolnaści ŭ ispanskaj Hranadzie Śviatłana Cichanoŭskaja parazmaŭlała z premjer-ministram Armienii Nikołam Pašynianam i ministram zamiežnych spravaŭ Araratam Mirzajanam. Fota sustrečy apublikavała pres-słužba Cichanoŭskaj.
Hałoŭny redaktar haziety «Minski kurjer» Kirył Kazakoŭ adreahavaŭ na razmovu Pašyniana ź Cichanoŭskaj.
— Prezident Armienii, jakaja ŭvachodzić u SND, jakaja ŭvachodzić u JeŭrAzES, jakaja ŭvachodzić u ADKB, sustrakajecca z čałaviekam, jaki sprabavaŭ zładzić putč u našaj krainie (tak prapahanda nazyvaje mirnyja pratesty suprać falsifikacyi Łukašenkam vybaraŭ u 2020 hodzie — NN), zrynuć zakonnuju ŭładu — čałavieka, jaki padtrymlivaŭ armianski narod va ŭsich adnosinach z momantu pačatku kanfliktu. Nikoł Pašynian prosta zrabiŭ podłaść, — skazaŭ Kazakoŭ.
Hetaja sustreča važnaja tym, što Armienija ŭvachodzić u prarasijskuju Arhanizacyju Damovy ab kalektyŭnaj biaśpiecy, i jaje kiraŭnictva ŭ 2020 hodzie ŭ pytańniach mižnarodnaj palityki ŭ SND išło ŭ farvatary Kramla.
Nikoł Pašynian byŭ adnym ź pieršych, chto ŭ žniŭni 2020 hoda pavinšavaŭ Łukašenku z «pieramohaj» na sfalsifikavanych prezidenckich vybarach.
Ale ŭ suviazi z tym, što Rasija i ADKB admovilisia niečym dapamahać Armienii ŭ situacyi, kali Azierbajdžan vyrašyŭ raźviazać daŭni terytaryjalny kanflikt u Nahornym Karabachu siłavymi mietadami, adbyvajecca faktyčna sychod Armienii z rasijskaj śfiery ŭpłyvu. I heta sustreča — adzin ź simvaličnych jaho indykataraŭ.
U Hranadzie Pašynian sustreŭsia taksama z prezidentam Ukrainy Uładzimiram Zialenskim.
Pratasieviču admianili hihancki štraf, i jon palacieŭ na adpačynak u Dubaj8
Pratasieviču admianili hihancki štraf, i jon palacieŭ na adpačynak u Dubaj
«Samaje hałoŭnaje ciapier — zabiaśpiečvać subjektnaść Biełarusi». Franak Viačorka raskazaŭ, ci jość stratehija ŭ demsiłaŭ i na što ŭpłyvaje Cichanoŭskaja2121
Kamientary
Uradženiec Biełarusi Maciej Alaksandravič Sulkievič (1865—1920) — nacyjanalny hieroj Azierbajdžana, a u Łukašenki heta vorah, jak i ŭsie inšyja dziejačy jakija zmahalisia za niezaležnaść svajoj krainy ad klataj Maskovii. Ściah tataraŭ u Biełarusi łukašysty ličać "ekstremistskim", a narod Biełarusi šanuje ściah biełaruskich tatar, jak i svoj nacyjanalny ściah. Łuka vorah Biełarusi, vorah Azierbajdžana, jak i vorah Armienii i ŭsich susiedziaŭ. Łuka - haŭlajtar Maskovii i mankurt jaki nie viedaje ni svajho rodu, ni historyi svajho narodu, jaki prymaje vyklučna toje što kaža jamu maskva i jaki liža maskoŭskija boty i ułasaŭski trykałor.