Biełaruskija viertaloty zalacieli na terytoryju Polščy ŭ toj čas, jak Łukašenka treci dzień znachodzicca pobač u Viskulach — «Biełaruski Hajun»
Manitorynhavaja hrupa «Biełaruski Hajun» uznaviła chranałohiju ŭčorašniaha incydentu, źviazanaha z pralotam biełaruskich viertalotaŭ na terytoryju Polščy.
Ź viečara 30 lipienia Łukašenka znachodzicca ŭ rezidencyi «Viskuli», što za 7,5 km ad miažy z Polščaj. Dla jaho achovy ŭ pamiežžy z Polščaj jašče 29 lipienia z Mačuliščaŭ byli pierakinutyja dva viertaloty VPS RB, a treci prylacieŭ u pamiežža na nastupny dzień.
29 lipienia ŭ rajonie 17:00 z Mačuliščaŭ u rajon v/č kala v. Kamianiuki vylecieli dva viertaloty VPS RB: Mi-8 i Mi-24 (z bartavym numaram 14). U Kamianiuki jany prybyli ŭ rajonie 18:30. Viertaloty prybyli tudy dla achovy pavietranaj prastory RB padčas vizitu Łukašenki ŭ rezidencyju «Viskuli».
Heta častka standartnaj pracedury apošnich hadoŭ, roŭna toje ž było i ŭ krasaviku hetaha hoda.
30 lipienia ŭ rajonie 17:00 Łukašenka vylecieŭ sa svajoj rezidencyi pad Minskam na viertalocie Mi-8, jaho supravadžaŭ druhi Mi-8 VPS RB.
Praz prykładna 1,5 hadziny Łukašenka prylacieŭ u rezidencyju «Viskuli», što za 7,5 km ad miažy z Polščaj, a viertalot supravadžeńnia adpraviŭsia da dvuch inšych viertalotaŭ u rajon v. Kamianiuki. Uvieś dzień 31 lipienia Łukašenka znachodziŭsia ŭ Viskulach.
Ranica 1 žniŭnia
Kala 9:40 z v/č u v. Kamianiuki ŭźlacieli dva viertaloty VPS RB: Mi-24 (bort numar 14) i Mi-8, jakija palacieli patrulavać miažu ŭ Kamianieckim rajonie Bresckaj vobłaści.
Viertalot Łukašenki ŭźlacieŭ ź Viskuloŭ kala 10:00 i adpraviŭsia ŭ ahraharadok Biełaviežski, kudy jaho supravadžaŭ Mi-8 VPS RB. U rajonie 12:30 Łukašenka viarnuŭsia ŭ Viskuli, i ŭsie try viertaloty VPS RB sieli ŭ Kamianiukach.
Viertaloty VPS RB, jakija patrulavali miažu, całkam mahli zalacieć na terytoryju Polščy
Pieršyja paviedamleńni, što dva viertaloty VPS RB pierasiekli miažu z Polščaj pačali pastupać ~10:30 pa minskim časie.
U hety čas Mi-8 i Mi-24 jakraz patrulavali miažu. Pa paviedamleńniach u sacsietkach i ŚMI, dva viertaloty byli zaŭvažanyja nad polskaj vioskaj Biełavieža, jakaja znachodzicca za dva kiłamietry ad miažy.
Paźniej źjavilisia fota, dzie vidać, što heta mienavita tyja viertaloty, jakija ŭdzielničali ŭ patrulavańni miažy z Polščaj. Na Mi-24 VPS RB možna zaŭvažyć bartavy numar 14. «Biełaruskamu Hajunu» ŭdałosia pravieryć adno z fota i paćvierdzić, što jano było zroblena ŭ Biełaviežy za 2,3 km ad miažy. Heta ž paćviardžajuć i karystalniki ŭ tvitary.
U ŚMI raspaŭsiudžvajecca videa viertalota Mi-2, jaki nie maje dačynieńnia da VPS RB, imavierna, heta polski viertalot.
U tym rajonie nijakich vučeńniaŭ nie pravodziłasia. I viertaloty da jakich-niebudź vučeńniaŭ dačynieńnia nie majuć, a lotali z metaj achovy Łukašenki, padsumoŭvaje «Biełaruski Hajun».
Zakachanyja ŭ Minsku chacieli sabrać z padpisčykaŭ $10 tysiač na viasielle mary. Kolki ž u vyniku im zadanacili?18
Kamientary
1.nadvorje było jasnym
2.šrubalotaŭ było 2, piłotaŭ było prynamsi 4
Tamu vyhladaje całkam nievierahodnaj situacyja, kali va ŭmovach dobraha nadvorja anivodny z 4 (!) piłotaŭ nie zaŭvažyŭ ni KSP, ni płot vyšynieju 5m, albo ŭsie ź ich pierabłytali najbujniejšuju ŭ tych miescach viosku Biełavieža z čymści inšym
To bok parušeńnie miažy było nievypadkovym. Ale reakcyja polskaha MA (jakoje spačatku ŭvohule admaŭlała fakt parušeńnia miažy) i polskich ŚMI była vielmi ścipłaj. Imavierna čyńnikam vidavočnaha žadańnia polskich uładaŭ minimizavać ŭvahu na hetaj padziei źjaŭlajucca chutkija vybary, supiernictva na jakich abiacaje być vielmi vostrym