Mininfarm abmiežavaŭ dostup da sajta spartyŭnaj haziety «Priessboł». Pra heta paviedamiła pres-słužba ministerstva.
Jak paviedamlajecca, rašeńnie pryniata «pa vynikach manitorynhu na pradmiet vykanańnia zakanadaŭstva ab ŚMI».
«Priessboł» — najstarejšaje ź niezaležnych biełaruskich spartyŭnych vydańniaŭ, jakoje vychodziła z pačatku 1990-ch. Bolšuju častku svajho isnavańnia vydańnie vyznačałasia vostraj pazicyjaj, na jaho staronkach zaŭsiody možna było sustreć krytyčnyja materyjały, abjektami jakich rabilisia ŭ tym liku dziaržaŭnyja orhany i čynoŭniki samaha vysokaha ranhu.
Paśla siłavoha zadušeńnia pratestaŭ 2020 hoda vydańnie śviadoma pryniało rašeńnie, jak vykazaŭsia adzin ź jaho zasnavalnikaŭ Juryj Arłoŭ, «zatupicca», dystancyjavaŭšysia ad hramadska-palityčnaj tematyki i zasiarodziŭšysia na aśviatleńni ŭłasna spartyŭnych navin ź niejtralnaj pazicyi. Što, jak vyhladaje, u ciapierašnich umovach usio adno nie ratuje ad represiŭnych zachadaŭ z boku dziaržavy, dla jakoj prosta niejtralnaści i apalityčnaści ŭžo niedastatkova.
Kamientary