Fond spartyŭnaj salidarnaści suprać dopusku biełaruskich spartsmienaŭ da Alimpijady na ŭmovach MAK
25 studzienia Mižnarodny alimpijski kamitet zajaviŭ pra zabaronu dopusku da spabornictvaŭ dla biełaruskich i rasijskich spartoŭcaŭ, jakija padtrymali vajnu. Tyja ž atlety, jakija adpaviadajuć kryteryjam MAK i nie vykazvalisia ŭ padtrymku vajny, mohuć prymać udzieł vyklučna ŭ niejtralnym statusie. Ale heta vyklikała piarečańni z boku mnohich zacikaŭlenych bakoŭ, u tym liku i Biełaruskaha fondu spartyŭnaj salidarnaści.
«Mała chto razumieje sapraŭdnuju vialikuju pahrozu ad niadaŭniaj zajavy MAK. Tak, heta jašče pakul tolki zajava, nie rašeńnie, tamu ŭ nas jość čas», — napisaŭ u sacsietkach Alaksandr Apiejkin ź biełaruskaha Fondu spartyŭnaj salidarnaści.
Pavodle Apiejkina, heta «čysty padmanny manieŭr ad MAK, zamylvańnie vačej, bo
całkam adciahvaje ŭvahu ad hałoŭnaha: atlety ź Biełarusi i Rasii ŭ asnoŭnaj masie buduć dapuščanyja».
«MAK svaim rašeńniem stvaraje vializarny krok da narmalizacyi zachopnickaj vajny i źniščeńnia Ukrainy, narmalizacyi tatalitaryzmu. Hety precedent — mažlivaść viarnuć «russkij mir» u hłabalnuju kamunikacyju. Bo dalej pojdzie pa łancuhu. Čym, naprykład, ad spartoŭcaŭ adroźnivajucca vučonyja, dziejačy kultury, biznesoŭcy, deputaty? Bo pa takoj ža łohicy, jakuju tranśluje MAK, jany taksama nie vinavatyja ŭ rašeńniach svajho ŭrada. A potym nieŭzabavie paŭstanie pytańnie ab źniaćci sankcyj, bo ad ich «ciarpiać dzieci, jany nie vinavatyja». Stvarajecca tak zvanaje «akno Oviertana».
Pra mahčymy bajkot Alimpijskich hulniaŭ u takim vypadku adrazu zajaviła Ukraina.
Čytajcie taksama:
Jeŭrapiejski alimpijski kamitet paćvierdziŭ niadopusk spartsmienaŭ Biełarusi i Rasii da Jeŭrapiejskich hulniaŭ u Krakavie
MAK moža dapuścić da spabornictvaŭ biełarusaŭ i rasijan, jakija suprać vajny
Rasiju i Biełaruś vyklučyli sa śpisa viaščalnikaŭ na čatyry najbližejšyja Alimpijady
U Viciebsku zatrymali minskaha błohiera-prykalista Bulbanews, u jakoha 600 tysiač padpisčykaŭ u instahramie2
Kamientary