Prezidenty Litvy i Polščy prosiać NATA źviarnuć uvahu na «biełaruski faktar»
U intervju telekanału «Nastojaŝieje vriemia» Hitanas Naŭsieda skazaŭ, što Litva nie moža pačuvacca ŭ biaśpiecy, majučy pobač takuju krainu, jak Biełaruś. Jon adznačyŭ, što «nijakaja aharodža na miažy nie dapamoža, kali palaciać rakiety». Razam z prezidentam Polščy Andžejem Dudaj litoŭski palityk źviarnuŭsia da NATO.
«Zrazumieła, što Biełaruś udzielničaje ŭ vajnie. Biełaruś znachodzicca ŭ poŭnym rasparadžeńni Rasii dla pieramiaščeńnia vojskaŭ u lubyja rehijony — na zachad ci na poŭdzień. I ciapier na terytoryi Biełarusi znachodziacca rasiejskija vajskoŭcy, jakija hatovyja jechać u rajony vajennych dziejańniaŭ va Ukrainie. Ale ich taksama mohuć adpravić na zachodniuju miažu. Treba dumać pra heta. I tamu my źviarnulisia da hienieralnaha sakratara NATO i kamitetaŭ Aljansu z prośbaj źviarnuć bolš uvahi na biełaruski faktar u hetaj vajnie», — skazaŭ Naŭsieda ŭ intervju.
Taksama prezident Litvy vykazaŭsia pra imavierny napad rasijan na Suvalski kalidor. Jon nie vyklučaje ataki na hety rehijon.
«Z hieapalityčnaha punktu hledžańnia, viadoma, heta słabaje źviano. Tam jość Biełaruś — jak spadarožnik Rasii. A z druhoha boku, tam jość Kalininhradskaja vobłaść, i my vielmi dobra viedajem, što hety rehijon ščylna ŭkamplektavany technikaj, vajskoŭcami. Mahčyma, niekatoryja ź ich byli adpraŭleny na vajnu va Ukrainu, ale tym nie mienš. Jadziernaja zbroja, taktyčnaja jadziernaja zbroja ŭsio jašče tam. Kali ŭličvać ahresiŭnaść i niepradkazalnaść Rasii, situacyja vyhladaje vielmi niebiaśpiečnaj. Plus Biełaruś».
Zatrymali Ihara Iljaša, muža palitźniavolenaj Kaciaryny Andrejevaj3
Kamientary