«Likvidavanyja nieparazumieńni ź minułaha» — Zialenski i prezident Niamieččyny praviali telefonnyja pieramovy
Uładzimir Zialenski pravioŭ telefonnyja pieramovy z prezidentam Hiermanii Frank-Valteram Štajnmajeram. Ale ci damovilisia nakont vizitu, dakładna nieviadoma.
Padčas 45-chvilinnaj hutarki Štajnmajer zapeŭniŭ Zialenskaha, što toj moža raźličvać na poŭnuju padtrymku Hiermanii. U kancylaryi niamieckaha prezidenta adznačyli, što padčas hutarki ź Zialenskim byli likvidavanyja «nieparazumieńni ź minułaha».
U svaju čarhu kancler Hiermanii Ołaf Šolc zajaviŭ u intervju časopisu Stern, što sankcyi suprać Rasii mohuć być admienienyja tolki paśla ŭzhadnieńnia z Ukrainaj. Na jaho dumku, u Kramli «hetaha jašče nie ŭśviadomili», piša «Novaja hazieta. Jeŭropa».
Raniej ambasadar Ukrainy ŭ Bierlinie nazvaŭ Šolca «pakryŭdžanaj liviernaj kaŭbasoj» za toje, što jon nie pajechaŭ u Kijeŭ paśla admovy ŭkrainskich uładaŭ pryniać u siaredzinie krasavika Štajnmajera.
Šolc zajaviŭ, što admova pryniać u Kijevie Štajnmajera pieraškadžaje kiraŭniku ŭrada FRH naviedać respubliku. «Tak rabić nielha. Nie pavinna być tak, što krainie, jakaja akazvaje stolki vajennaj i ekanamičnaj dapamohi, jakaja patrebnaja dla harantyj biaśpieki, hetak važnych u budučyni, kažuć: prezidentu nielha pryjazdžać», — zajaviŭ jon.
Prezident Ukrainy Uładzimir Zialenski admoviŭsia sustrakacca z prezidentam FRH Štajnmajeram. Jon źbiraŭsia adpravicca ŭ Kijeŭ razam kiraŭnikami Polščy, Łatvii, Estonii i Litvy, kab vykazać padtrymku ŭkrainskamu narodu. «Vidać, u Kijevie hetaha nie chacieli», — zajaviŭ Štajnmajer.
Pres-sakratar prezidenta Ukrainy Siarhiej Nikifaraŭ prakamientavaŭ vydańniu «Kraina» vyniki razmovy Zialenskaha sa Štajnmajeram.
«Mahu paviedamić adno: minułaje zastałosia ŭ minułym. Damovilisia fakusavacca na budučym», — adznačyŭ Nikifaraŭ. Bolš padrabiazna temy hutarak dvuch prezidentaŭ jon kamientavać admoviŭsia.
Paviedamleńnie niamieckich ŚMI pra toje, što Zialenski zaprasiŭ Štajnmajera ŭ Kijeŭ, Nikifaraŭ nie paćvierdziŭ, ale i nie abvierh.
Paśla pryjomu ŭ ministra Kubrakova aryštavali žančynu, jakaja šmat hadoŭ zmahajecca z «piedafilskim łobi»4
Paśla pryjomu ŭ ministra Kubrakova aryštavali žančynu, jakaja šmat hadoŭ zmahajecca z «piedafilskim łobi»
«Samaje hałoŭnaje ciapier — zabiaśpiečvać subjektnaść Biełarusi». Franak Viačorka raskazaŭ, ci jość stratehija ŭ demsiłaŭ i na što ŭpłyvaje Cichanoŭskaja1919
Kamientary