Brazilskaja mastačka Łałali Siena pradstaviła kancept Viežy «Siena» (Senna Tower) — chmaračosa vyšynioj 500 mietraŭ, jaki ŭ vypadku paśpiachovaj realizacyi stanie samym vysokim budynkam u krainie i samym vysokim žyłym chmaračosam u śviecie.
Prajekt płanuje realizavać kampanija FG Empreendimentos sa štata Santa-Kataryna. Čakajecca, što budaŭnictva chmaračosa pačniecca ŭ druhoj pałovie 2025 hoda.
Vieža «Siena» źjavicca ŭ municypalitecie Bałniearyu-Kamboryu ŭ štacie Santa-Kataryna.
Chmaračos budzie mieć pramavuholnuju formu ź niezvyčajnym padmurkam — kanstrukcyjaj z arkami, šklanymi kupałami i bahataj trapičnaj raślinnaściu. Biudžet prajekta składzie kala 500 miljonaŭ dalaraŭ ZŠA
U 500-mietrovaj viežy raźmieściacca 228 kvater, uklučajučy čatyry dvuchuzroŭnievyja pientchausy ahulnaj płoščaj 903 kvadratnyja mietry.
Budynak budzie nazvany ŭ honar lehiendarnaha aŭtahonščyka, čempijona śvietu siarod piłotaŭ «Formuły-1» u 1988, 1990 i 1991 hadach Ajrtana Sieny. Spartsmien trahična zahinuŭ u 1994 hodzie va ŭzroście 34 hadoŭ, ale jahonaja postać praciahvaje natchniać brazilcaŭ i fanataŭ aŭtasportu pa ŭsim śviecie.
Stvaralnica prajekta Senna Tower Łałali Siena — plamieńnica aŭtahonščyka.
Siońnia status samaha vysokaha žyłoha chmaračosa ŭtrymlivaje ńju-jorkskaja vieža 432 Park Avenue. Jaje vyšynia składaje 472 mietry.
Alaksandr Łukašenka pacałavaŭ orden, uručany jamu Pucinym25
Kamientary
Ŭ hady , kali rušiŭsia sssr , kazali što pa Minsku chodziać ncijanalitty . I zaprašajuć sustrečnych : " Jak pa biełaruki łopata ? ( rydloŭka ) , jak pa biełaruski nieboskriob ? ( chmaračos ) .
Chto nie adkazaŭ , taho bjuć pa hałavie rydloŭkaj )))