Ci sapraŭdy militarysckija nastroi rasijan pieraškadžajuć Kramlu spynić vajnu i jak rasijskija ŭłady manipulujuć sacyjałohijaj
Jak sacyjałohija absłuhoŭvaje rasijskija ŭłady i čamu mierkavańnie rasijan nie maje dla kiroŭnych kołaŭ nijakaha značeńnia, raspavioŭ viadomy rasijski sacyjołah Ryhor Judzin.
Dniami byŭ apublikavany artykuł «Mieduzy», dzie išła havorka pra toje, što ŭ Kramli ŭžo šukajuć šlachi vychadu z vajny, ale nie mohuć skončyć jaje praz šalonuju narodnuju padtrymku rasijskaj ahresii va Ukrainie. U Maskvie nibyta bajacca abrušeńnia rejtynhu Pucina.
Ryhor Judzin tłumačyć, što mierkavańnie ludziej tut naohuł ni pry čym, i što ŭsim kiruje prapahanda.
«Što, my bačyli niejkich rasijan, jakija masava vychodzili na vulicy i patrabavali bambić Charkaŭ i Maryupal? Nie było takoha. Tak, jość niejkaja kryklivaja častka ludziej, heta ahresiŭnaja častka, jana ŭ svajoj stychii, jana choča jašče bolš kryvi. Ale heta nievialikaja častka, jakaja ŭ vajenny čas raździmajecca prapahandaj. Niama nijakich prablem prosta vyklučyć jaje z razietki», — kaža sacyjołah.
Pavodle jaho, kali b była takaja vola, nie ŭźnikła b nijakich prablem rastłumačyć krainie, čamu hetuju vajnu nieabchodna spynić.
Ryhor Judzin kaža, što dla pucinskaj ułady hramadskaja dumka nikoli nie było abmiežavańniem — sami apytańni hramadskaj dumki i stvarali padtrymku, jakaja patrebnaja Pucinu.
«Hladzicie, jak heta pracuje. U vas jość niejkaje niepapularnaje rašeńnie, jakoje vy chočacie pravieści. Što vy robicie? Vy robicie zamier, atrymlivajecie infarmacyju, što rašeńnie nie vielmi padtrymlivajecca. Nie publikujecie hety zamier, nie pravodzicie hetaje rašeńnie. Napampoŭvajecie prapahandu, zatym pravodzicie jašče adzin zamier. Trochi padniałosia. Napampoŭvajecie jašče. Potym bačycie, što narod hatovy. Paśla hetaha vy abjaŭlajecie: bačycie, narod ža hetaha choča.
U hetym sensie hetyja apytańni i ŭsia hetaja sistema kiravańnia praz apytańni jana i stvaraje tuju padtrymku, na jakuju jana nibyta i abapirajecca. A tym bolš ciapier. Heta zamknionaja sistema, jakaja sama stvaraje realnaść, u jakoj jana isnuje», — tłumačyć śpiecyjalist.
Jak razarvać hetaje koła?
Pavodle Judzina, hałoŭnaja prablema ŭ hetaj situacyi — heta toje, što siarod ludziej ciapier raspaŭsiudžvajecca strach, jaki vyklikaje žadańnie zakrycca ad temy vajny i realnaści.
«Što možna z hetym zrabić? Možna spakojna stajać na svaim i ŭpeŭniena tranślavać vielmi prosty mesedž. Što hetaja vajna budzie prajhranaja. Nijakich varyjantaŭ niama.
Rasija prajhraje hetuju vajnu biez usialakich sumnievaŭ. Pryčym prajhraje jaje rasijskaje kiraŭnictva, jakoje raźviazała vajnu, varjackuju z usich punktaŭ hledžańnia. I pytańnie tolki ŭ tym, kab choć niejak skaracić vydatki Rasii. Rana ci pozna rasijanie ściamiać, što zusim nie abaviazkova iści na dno z tymi, chto vyrašyŭ skončyć žyćcio samahubstvam», — miarkuje sacyjołah.
«Prapahanda pierabrała z nahniatańniem temy nacyzmu». Ciapier u Kramli nie viedajuć, jak skončyć vajnu
Vajna Rasii z Ukrainaj prymušaje biełarusaŭ vyznačacca z «vialikim hieapalityčnym vybaram». I pracesy — na karyść Zachadu
Alena Kaściučenka: U hetaj vajnie vialikaja častka našaj adkaznaści, našaj ciarpimaści da hvałtu. Rasija prasiaknuta hvałtam
Zakachanyja ŭ Minsku chacieli sabrać z padpisčykaŭ $10 tysiač na viasielle mary. Kolki ž u vyniku im zadanacili?13
Kamientary