Prezidenckija vybary ŭ Biełarusi projduć 9 žniŭnia. Za hetuju datu prahałasavała bolšaść padčas pazačarhovaha pasiadžeńnia Pałaty pradstaŭnikoŭ 8 maja, paviedamlaje Tut.by.
Pierad pačatkam hałasavańnia pierad deputatami vystupiła kiraŭnik CVK Lidzija Jarmošyna. Jana prapanavała pravieści prezidenckija vybary 9 žniŭnia. Pakolki, zhodna z zakanadaŭstvam, krajni dzień praviadzieńnia vybaraŭ 30 žniŭnia, a vybary pavinny prajści ŭ niadzielu, deputaty pavinny byli vybrać z čatyroch dat: 9, 16, 23 i 30 žniŭnia.
Na pasiadžeńnie, dzie deputaty abmiarkoŭvali datu vybaraŭ, puścili tolki žurnalistaŭ dziaržaŭnych ŚMI.
Palityčnaje kiraŭnictva krainy praviało kansultacyi z CVK, Pałataj pradstaŭnikoŭ. «U pryncypie było vypracavana adzinaje mierkavańnie ab praviadzieńni vybaraŭ 9 žniŭnia», — skazała Lidzija Jarmošyna žurnalistam.
«Maje siły skončylisia»: Valaryna Kustava raskazała, čamu źbiraje na dapamohu svajoj siamji19
Kamientary