Улада2424

Сівакоў пра паказанні Гараўскага: Вельмі прафесійны ўкід перад сустрэчай Лукашэнкі і Пуціна

Працягваецца абмеркаванне заяваў 41-гадовага спецназаўца Юрыя Гараўскага. Гэты чалавек прызнаўся, што ўдзельнічаў у забойстве Юрыя Захаранкі, Віктара Ганчара і Анатоля Красоўскага. У прыватнасці, Гараўскі лічыць, што пра забойствы ведаў асабіста кіраўнік унутраных войскаў Юрый Сівакоў. «НН» патэлефанавала былому сілавіку, каб распытаць пра ўражанні ад пачутага.

 «НН»: Юрый Леанідавіч, сёння з’явіліся паказанні Юрыя Гараўскага пра справы Захаранкі і Ганчара…

Юрый Сівакоў: Чытаў-чытаў.

«НН»: Там згадваюць і вас. Можаце нешта сказаць?

ЮС: Я вам скажу, што матэрыял такі дабротны, зроблены прафесійна, на высокім тэхнічным узроўні і, адчуваецца, на добрай такой кухні. Галоўнае — своечасова. Калі ў нас там сустрэча Лукашэнкі і Пуціна? 20 снежня? І мне здаецца, што гэта нават не дэсерт, а толькі закуска. Павінны яшчэ з’явіцца і першая страва, і другая, і трэцяя.

Пра гэтую кухню можна толькі здагадвацца. Мне здаецца, што такія казыры загадзя рыхтуюцца. Яны дзесьці ляжаць, чакаюць моманту ісціны, укідвання ў грамадства. Але я хачу сказаць, што гэты матэрыял, з усіх тых, што былі раней, самы прафесійны.

Такія падкілімныя гульні ідуць. Прадукт такі, што называецца: «Кушаць подана. Ідзіце жраць!» І самае галоўнае, што вельмі своечасова пададзены.

«НН»: Адмаўляеце сказанае пра вас?

ЮС: Адзінае магу цвёрда сказаць, што праўда — гэта маё «паганяла» ў гэтай арганізаванай злачыннай групоўцы (смяецца).

«НН»: Дзед, так?

ЮС: Так! Мяне так сталі называць чаму? Калі я камандаваў унутранымі войскамі, то ўнук пайшоў у школу. І ўсе канікулы ў бытнасць майго камандавання ён праводзіў на вучэбных зборах спецназа. І калі я прыязджаў на гэтыя зборы, то ён бег да мяне і крычаў: «Дзед прыехаў». Так і прыжылося.

Усё астатняе, што там напісана, я сам прачытаў як дэтэктыўны раман.

«НН»: Дык а вы ведалі такога чалавека Юрыя Гараўскага?

ЮС: Ну як я яго мог ведаць? Нейкіх афіцэраў у твар я, канечне, мог помніць. А нейкага 20-гадовага салдата, якіх у мяне было 15 тысяч? Не мог я запомніць усіх.

Каментары24

Стрыжак расказаў, як яго вербавалі спецслужбы5

Стрыжак расказаў, як яго вербавалі спецслужбы

Усе навіны →
Усе навіны

Беларускі айцішнік пераехаў у Аўстралію і трапіў пад скарачэнні. І задаўся адвечным пытаннем «Што рабіць»?13

У Лідзе затрымалі ўладальніка кавярні «Тутака»

Z-канал: Імаверна, Крыгер арганізоўваў дыверсіі ў Бранскай вобласці5

Раіла біць нагой у сківіцу кожнаму маскваротаму, называла акупацыю Марыупаля кармай — хто такая Ірына Фарыён, якую забілі ў Львове37

У Вілейскім раёне кіроўца пагрузчыка ледзь не ўрэзаўся ў пахавальную працэсію

Украіна спяшаецца стварыць ваенныя беспілотнікі са штучным інтэлектам1

Зяленскі павіншаваў Трампа з абраннем кандыдатам ад Рэспубліканскай партыі і назваў яго прэзідэнтам7

30-хвілінны марынад для простага курынага шашлыка6

Як змяніць беларускія нумары на літоўскія. Што трэба і колькі каштуе працэдура?15

больш чытаных навін
больш лайканых навін

Стрыжак расказаў, як яго вербавалі спецслужбы5

Стрыжак расказаў, як яго вербавалі спецслужбы

Галоўнае
Усе навіны →