Экс-фігуранту «справы графіцістаў» Вячаславу Касінераву прад’яўлена абвінавачаньне паводле часткі 1 артыкулу 339 Крымінальнага кодэксу — «хуліганства».
Пра гэта паведамляе закрыты ўладамі праваабарончы цэнтар «Вясна». Сёньня Вячаслаў Касінераў павінен быць вызвалены пасьля адбыцьця 15 сутак арышту за ўдзел у акцыі пратэсту ў Менску 17 лютага.
Справа распачатая Сьледчым камітэтам Маскоўскага раёну Менску. Выбраная мера стрыманьня — узяцьце пад варту. Касінерава этапавалі ў сьледчы ізалятар № 1 на вуліцы Валадарскага.
Супрацоўнікі міліцыі сьцьвярджалі, што Касінераў з анархістамі з групы «Чорная ружа» 12 сакавіка правёў «дзёрзкую акцыю супраць міліцэйскага бясчынства». Каля цэнтральнага будынка Міністэрства ўнутраных спраў актывісты накінулі пятлю на шыю помніку паліцэйскаму гарадавому, які нядаўна там паставілі ў прысутнасьці кіраўніка ведамства Ігара Шуневіча.
У выпадку асуджэньня Касінераву пагражае пазбаўленьне волі на тэрмін да трох гадоў або арышт на тэрмін да шасьці месяцаў.
-
Суд Чыгуначнага раёна Гомеля адмяніў свае рашэнне аб прызнанні шэрагу старонак «экстрэмісцкімі» і ў той жа дзень прызнаў іх «экстрэмісцкімі» зноў
-
76-гадовую пенсіянерку асудзілі за «абразу Лукашэнкі» і ўнеслі ў спіс «экстрэмістаў»
-
«Фанфары, дзяржава для народа». Ужо некалькі месяцаў у метро круцяць выступы Лукашэнкі
«Фанфары, дзяржава для народа». Ужо некалькі месяцаў у метро круцяць выступы Лукашэнкі4
Каментары