Павышэнне тэмпературы вады і паветра стварае аптымальныя ўмовы для размнажэння і назапашвання большасці узбуджальнікаў кішачных інфекцый. Пра тое, што трэба рабіць, каб пазбегнуць харчовых атручванняў і вострых кішачных інфекцый (ВКІ), расказалі ў Рэспубліканскім цэнтры гігіены, эпідэміялогіі і грамадскага здароўя (РЦГЭіГЗ).
Спецыялісты адзначылі, што рызыка харчовага атручвання і ВКІ падвышаецца, калі не выкананыя правілы прыгатавання ежы, парушаны тэмпературны рэжым пры захоўванні прадуктаў харчавання. Пэўную небяспеку ўяўляюць стравы, што прыгатаваныя без цеплавой апрацоўкі і ўжываюцца ў халодным выглядзе.
У РЦГЭіГЗ падкрэслілі, што ў гарачае надвор’е, неабходна звяртаць асаблівую ўвагу на тэрмін прыдатнасці і ўмовы захоўвання мясных паўфабрыкатаў, варанай каўбасы, салатаў, тварагу, малака, пірожных і іншых прадуктаў, якія хутка псуюцца. «Пры найменшым падозранні, што халадзільнае абсталяванне працуе неэфектыўна, ад куплі лепш адмовіцца», — сказалі ў РЦГЭіГЗ.
Акрамя таго,
спецыялісты заклікалі аглядаць ўпакоўку малочных і кісламалочных прадуктаў, сокаў, салатаў прамысловай вытворчасці, бо, калі яна пашкоджаная, тэрмін прыдатнасці такіх прадуктаў, як правіла, значна скарачаецца.А яшчэ перасцераглі ад набыцця прадуктаў у выпадковых асоб у месцах несанкцыянаванага гандлю.
Перад тым як пачысціць мандарыны, апельсіны, бананы, ківі і іншую садавіну і гародніну, неабходна абавязкова памыць іхпад праточнай або гатаванай вадой. «Справа ў тым, што яны праходзяць працяглы этап транспарціроўкі, у працэсе якога магчыма іх забруджванне ўзбуджальнікамі ВКІ», — растлумачылі ў РЦГЭіГЗ.
У цэнтры парэкамендавалі быць таксама асцярожнымі з раннімі гароднінай і бахчавымі, паколькі вытворцы часцяком, каб паскорыць іх паспяванне, ужываюць хімічныя ўгнаенні.
Прычынай харчовага атручвання або ВКІ можа таксама стаць няякасная вада.Для піцця неабходна выкарыстоўваць гатаваную або бутыляваную ваду, нагадалі спецыялісты. «Адпачываючы на прыродзе, не варта піць ваду з крыніц. Купацца трэба толькі ў вадаёмах, дазволеных для арганізаванага адпачынку, імкнучыся пры гэтым не глытаць ваду», — Дадалі ў РЦГЭіГЗ.
Тым, хто ў каго з’явіліся болі ў жываце, млоснасць, ні ў якім разе нельга займацца прыгатаваннем ежы,падкрэслілі ў цэнтры. У такіх выпадках неабходна тэрмінова звярнуцца па медыцынскую дапамогу.
Дзяніс Мельянцоў і яго рэалпалітык: ён сапраўды памяняў погляды ці проста раней маскіраваўся?47
Каментары