Беларускаму альманаху для дзетак і падлеткаў «Жэўжык» патрэбна дапамога
Каманда энтузіястаў, якія працуюць над стварэннем унікальнага альманаха «Жэўжык» звярнулася па дапамогу. «Жэўжык» — гэта не проста альманах, а сапраўдны культурны праект, які дапамагае дзецям і падлеткам пазнаць беларускую мову і культуру, піша «Будзьма».
«Каб «Жэўжык» жыў і развіваўся, нам патрэбна ваша падтрымка. Кожны ваш унёсак дапаможа нам працягваць выпускаць альманах і рабіць яго даступным для большай колькасці дзяцей.
Акрамя таго, вы можаце стаць мецэнатам і дапамагчы дзецям, якія жадаюць вучыцца ў нашай анлайн-школцы, але не маюць фінансавай магчымасці», — напісала каманда праекта.
Чаму гэта важна?
Новыя выпускі «Жэўжыка»
«Жэўжык» — гэта не проста альманах, а сродак захавання і распаўсюджвання беларускай мовы і культуры сярод дзяцей.
Магчымасці для дзяцей
Ваша падтрымка дазволіць большай колькасці дзяцей далучыцца да заняткаў па беларускай мове і літаратуры.
Захаванне культуры
Разам мы зможам данесці беларускую мову і культуру да большай колькасці дзяцей, якія жывуць як у Беларусі, так і за мяжой.
Як вы можаце дапамагчы?
Падтрымаць выданне новых нумароў альманаха праз штомесячныя ці адзіныя ўнёскі.
Стаць мецэнатам для дзіцяці, аплачваючы штомесяц яго заняткі па беларускай мове і літаратуры.
Набыць ужо выдадзеныя нумары («Родная мова», «Музычныя інструменты» і творчы «Зімовы сшытак») для сябе і сваіх сяброў.
Падзяліцца праектам з сябрамі і знаёмымі, каб больш людзей даведаліся пра клуб «Жэўжык».
Падтрымаць праект можна тут.
Каментары