Лідар «палякаў-выбарцаў Літвы»: Лукашэнка — адзіны чалавек, з якім магчыма наладзіць дыялог
Лідар спісу Выбарчай акцыі палякаў Літвы — Саюза хрысціянскіх сем'яў Вальдэмар Тамашэўскі напярэдадні парламенцкіх выбараў паразважаў пра ўзаемаадносіны з Беларуссю, паведамляе LRT.
«Я выступаў за добрасуседскія адносіны з Беларуссю і беларускім народам, а не з адным чалавекам. А. Лукашэнка — прэзідэнт, і яго нельга аддзяліць. Калі хтосьці думае, што гэта можна зрабіць, то ён альбо наіўны, альбо некампетэнтны, альбо проста хлусіць. Беларусь — наш блізкі сусед культурна, гістарычна, лінгвістычна», — кажа В.Тамашэўскі.
Палітык лічыць, што А. Лукашэнка — адзіны чалавек, з якім магчыма наладзіць дыялог пра ўзаемаадносіны Літвы і Беларусі, і заклікае «быць рэалістамі».
Апроч іншага, лідар ВАПЛ-СХС дзеліцца сваім бачаннем заканчэння вайны ва Украіне.
«Вайну трэба спыніць як мага хутчэй шляхам перамоваў і пошуку кампрамісу», — мяркуе палітык.
Каментары