Фігурантамі справы ад расійскага СК у сувязі з атакай на Курскую вобласць сталі камандзіры 22-й і 80-й брыгад УСУ. Іх падазраюць у здзяйсненні тэракту, забойстве і замаху на забойства за ўварванне ў Курскую вобласць.
Следчы камітэт РФ паведаміў, што ў атацы на Курскую вобласць удзельнічалі ў тым ліку 22-я асобная механізаваная і 80-я асобная дэсантна-штурмавая брыгады УСУ.
Фігурантамі заведзенай у сувязі з атакай крымінальнай справы сталі камандзіры гэтых частак Уладзімір Піпко і Эміль Ішкулаў. Іх падазрае расійскі СК ва ўчыненні тэрарыстычнага акта, забойстве і замаху на забойства.
Для прыцягнення да крымінальнай адказнасці ўстанаўліваюць іншыя асобы, якія маюць дачыненне да выканання загадаў, дадалі ў расійскім ведамстве.
Па даных Мінабароны РФ, вайскоўцы 22-й брыгады УСУ ў колькасці да 300 чалавек пачалі атаку на Курскую вобласць 6 жніўня ў раёнах прыгранічных Нікалаева-Дар'іне і Алешні.
10 жніўня расійскае ваеннае ведамства паведаміла аб знішчэнні каманднага складу падраздзялення 22-й брыгады УСУ ў прыгранічным раёне Курскай вобласці ўдарам комплекса «Іскандэр-М». Тады, паводле звестак Мінабароны Расіі, загінулі 15 чалавек.
Сёння кіраўнік Курскай вобласці Аляксей Смірноў далажыў Уладзіміру Пуціну, што пад кантролем УСУ па стане на 12 жніўня знаходзяцца 28 населеных пунктаў, там застаюцца каля 2 тыс. чалавек. Па словах кіраўніка рэгіёну, украінскія сілы праніклі на 12 км углыб тэрыторыі вобласці. Ён расказаў аб 12 загінулых мірных жыхарах.
Уладзімір Пуцін назваў дзеянні Украіны «маштабнай правакацыяй». У расійскім МЗСе абяцалі жорсткі адказ.
Чалы: Чым даўжэй Лукашэнка марудзіць з выбарамі, тым больш аргументаў, каб яму не ісці14
Каментары
Бо гэткая падача - ані не аб'ектыўнасць, а самыя звычайная рэтрасляцыя і аднабаковае пашырэнне расійскіх наратываў.