Свет11

У Албаніі скандал з-за Еўра-2024: дэпутаты масава паехалі ў Германію на футбол і сарвалі працу парламента

Апазіцыя назвала гэта ганьбай.

Лагатып: УЕФА

Праца албанскага парламента аказалася паралізаваная пасля таго, як большая частка дэпутатаў ад кіроўнай партыі адправілася ў Германію глядзець матчы чэмпіянату Еўропы па футболе.

Пленарнае пасяджэнне Кувенда (так завецца албанскі парламент), у які ўваходзяць 140 дэпутатаў, было перанесена з чацвярга на сераду, пасля чаго вялікая група народных выбраннікаў паехала на футбол падтрымаць зборную Албаніі. Многія дэпутаты едуць у Германію на асабістых аўтамабілях, таму дарога зойме больш за суткі, піша AS.

15 чэрвеня ў Дортмундзе албанцы, якія ўдзельнічаюць у топ-турніры толькі другі раз у гісторыі, згуляюць са зборнай Італіі. Як чакаецца, на хатнім стадыёне «Барусіі» збяруцца каля 50 тысяч албанцаў. Сярод іх будуць і многія дэпутаты парламента. Больш за тое, заканадаўцы плануюць застацца і на астатнія матчы групавога этапу з удзелам зборнай Албаніі: 19 чэрвеня каманда згуляе з харватамі ў Гамбургу, 24 чэрвеня — з іспанцамі ў Дзюсельдорфе.

Па гэтай прычыне парламент Албаніі не будзе працаваць 10 дзён, а пленарнае пасяджэнне на наступным тыдні не адбудзецца. Гэта выклікала палітычны скандал і абурэнні з боку апазіцыі. Лідар Дэмакратычнай партыі Газмент Бардзі звярнуўся па тлумачэнні да прэм'ера Эдзі Рамы. 

«Вы ставіцеся да парламента, як да свайго асабістага клуба. Вы павінны растлумачыць, па якой прычыне вы ў аднабаковым парадку, не раячыся з апазіцыяй, перанеслі пасяджэнне з чацвярга на сераду. Калі прычынай стала паездка на Еўра, то гэта сапраўды ганебны ўчынак», — гаворыцца ў запыце.

Большасць у Кувендзе цяпер у Сацыялістычнай партыі Эдзі Рамы — яна кантралюе 72 месцы з 140.

Чэмпіянат Еўропы па футболе стартуе 14 чэрвеня матчам паміж Германіяй і Шатландыяй. Фінал турніру пройдзе 14 ліпеня.

Каментары1

  • Acab
    13.06.2024
    Парлямнт гэта месца, дзе звычайнае права нішчыцца пазытывіскімі загадамі.
    Канешне лепей, як ён не працуе

«Будзе адбывацца вымушаны, але ўсё большы паварот у бок Расіі». Сацыёлаг пра ўплыў новых санкцый на настроі беларусаў

«Будзе адбывацца вымушаны, але ўсё большы паварот у бок Расіі». Сацыёлаг пра ўплыў новых санкцый на настроі беларусаў

Усе навіны →
Усе навіны

Зяленскі павіншаваў Трампа з абраннем кандыдатам ад Рэспубліканскай партыі і назваў яго прэзідэнтам5

30-хвілінны марынад для простага курынага шашлыка6

Як змяніць беларускія нумары на літоўскія. Што трэба і колькі каштуе працэдура?15

Ірына Фарыён памерла ў бальніцы15

Стары паплечнік Лукашэнкі параўнаў яго з аяталой Хамейні. Параўнанне так сабе2

На Менцы раскапалі ўжо тры рады гакавых драўляных канструкцый ФОТА3

16-гадовая беларуска ўпала з шостага паверха ў Варшаве

Ірына Абельская стала заслужанай доктаркай17

Полк Каліноўскага афіцыйна пацвердзіў замену свайго камандзіра і заявіў пра рэфармаванне20

больш чытаных навін
больш лайканых навін

«Будзе адбывацца вымушаны, але ўсё большы паварот у бок Расіі». Сацыёлаг пра ўплыў новых санкцый на настроі беларусаў

«Будзе адбывацца вымушаны, але ўсё большы паварот у бок Расіі». Сацыёлаг пра ўплыў новых санкцый на настроі беларусаў

Галоўнае
Усе навіны →