Няшчасны выпадак адбыўся 15 сакавіка ў Нізкіх Татрах. 29-гадовы мужчына і 31-гадовая жанчына з Беларусі сутыкнуліся з мядзведзем у Дэменаўскай даліне і паспрабавалі схавацца ад яго. У выніку жанчына загінула, піша Reform.by.
Як паведамляе горнавыратавальная служба са спасылкай на відавочцу, мядзведзь пераследаваў жанчыну.
Ратавальнікі з рэгіянальнага пажарна-выратавальнага цэнтра Нізкіх Татраў з сабакам, два супрацоўнікі Цэнтра прадухілення лавін з дронамі і з цеплавізарам, а таксама супрацоўнікі славацкай паліцыі і член групы рэагавання на бурага мядзведзя выехалі на месца.
Праз некаторы час службовы сабака знайшоў месца пад скальным парогам, дзе знаходзілася цела жанчыны, якая сарвалася з вышыні. Мядзведзь у гэты час знаходзіўся непадалёк. З дапамогай службовага сабакі, крыкаў і папераджальнага стрэлу яго адагналі.
Пасля другая група ратавальнікаў выявіла спадарожніка жанчыны. Ён быў напалоханы, але не пацярпеў. У суправаджэнні парамедыкаў пажарна-выратавальнай службы даставілі яго ў службовы аўтамабіль пажарна-выратавальнай службы і перавезлі ў дом пажарна-выратавальнай службы.
Цела жанчыны перадалі паліцыі. Абставіны і прычыну смерці высветліць далейшае расследаванне.
«Яе звалі Ліза». У Варшаве прайшоў Марш у памяць аб згвалтаванай і забітай беларусцы РЭПАРТАЖ
У Бярэзінскім запаведніку прачынаюцца мядзведзі. Але работнікі зазірнуць у адну з бярлог не наважыліся
«Колькасць мядзведзяў галапуе ў нашай краіне». Шуневіч прапанаваў шляхі вырашэння праблемы
Ці часта мядзведзі ў Беларусі нападаюць на людзей?
Яшын: Лукашэнка абменьвае палітвязняў на дэталі для самалётаў «Белавія»9
Каментары