Беларускую ўдзельніцу конкурсу «Міс Еўропа — 2024», якая абразіла ўкраінку, звольнілі з працы
Ірыну Максімовіч, якая прадстаўляла Беларусь на «Міс Еўропа — 2024» і трапіла на скандальнае відэа з украінкай, звольнілі з мадэльнага агенцтва, дзе яна працавала. Пра гэта яна распавяла ў інтэрв’ю «Беларусь 1».
«Мяне звольнілі з мадэльнага агенцтва», — распавяла Максімовіч і патлумачыла, што дырэктар быў з Украіны.
«Найду сабе іншае», — гаворыць яна. Паводле яе слоў, ёй ужо дасылаюць прапановы іншыя агенцтвы, яна спадзяецца і надалей прадстаўляць Беларусь на розных конкурсах.
Паводле слоў Максімовіч, ужо нават украінцы выказваюць ёй словы падтрымкі.
З 15 па 25 лютага ў Ліване прайшоў конкурс прыгажосці «Міс Еўропа — 2024». Першае месца на ім заняла прадстаўніца Расіі, трэцяе — віцяблянка Ірына Максімовіч.
Крыху пазней выбухнуў скандал. Украінская ўдзельніца Мілена Мельнічук паскардзілася ў сацсетках, што трапіла на конкурсе ў «пекла» праз абразы і пагрозы з боку арганізатараў. А ўжо пасля фіналу беларуска Ірына Максімовіч пачала крычаць на ўвесь аўтобус і абражаць украінскую ўдзельніцу. Гэта відэа з віцяблянкай Мілена выклала ў сеціва.
Максімовіч пазней патлумачыла, што такім чынам абараняла сваю краіну і сямʼю.
«Вялікі абсалютна чалавек». Коля Лукашэнка расказаў, што для яго бацька і ў чым ягоная апазіцыйнасць32
Каментары