Грамадства7171

У калоніі раптоўна памёр Аляксей Навальны

Пра смерць галоўнага расійскага апазіцыянера паведаміла Упраўленне па выкананні пакаранняў Ямала-Ненецкай аўтаномнай акругі. Навальнаму было 47 гадоў.

Аляксей Навальны 11 студзеня 2024 года. Фота: Alexander Zemlianichenko / AP

«Асуджаны Навальны А.А. пасля прагулкі адчуў сябе дрэнна, практычна адразу страціўшы прытомнасць. Неадкладна прыбылі медыцынскія работнікі ўстановы, была выклікана брыгада хуткай медыцынскай дапамогі. Праведзены ўсе неабходныя рэанімацыйныя мерапрыемствы, якія станоўчых вынікаў не далі. Урачы хуткай медыцынскай дапамогі канстатавалі смерць асуджанага», — гаворыцца ў паведамленні Упраўлення па выкананні пакаранняў па Ямала-Ненецкай акрузе.

Па звестках Russia Today, у Навальнага адарваўся тромб.

Аляксей Навальны быў галоўным апазіцыянерам Расіі. Яго Фонд барацьбы з карупцыяй выпускаў расследаванні пра карупцыю ў бліжэйшым атачэнні Пуціна, расказваў пра рэзідэнцыі і яхты самога Пуціна, багацце яго сям’і.

У жніўні 2020 года палітыка атруцілі «Навічком». Ён упаў у кому. Спачатку Навальны трапіў у омскую бальніцу, пасля яго перавезлі ў Берлін у клініку «Шарытэ». Навальны змог аднавіцца. Пасля яго каманда выпусціла расследаванне пра тое, як спецслужбы Расіі спрабавалі яго атруціць.

17 студзеня 2021 года палітык вярнуўся у Маскву, разумеючы, што можа быць пасаджаны. Яго адразу арыштавалі.

У лютым 2021 года умоўны тэрмін Навальнага па справе «Іў Рашэ» замянілі на рэальны — і адправілі Аляксея ў калонію на 2 гады і 8 месяцаў.

Але ў сакавіку 2022-га яму прысудзілі 9 гадоў пазбаўлення волі ў калоніі строгага рэжыму па абвінавачваннях у махлярстве ў асабліва буйным памеры і непавазе да суда.

Чарговы суд па Навальным быў у 2023-м — яму далі 19 год у калоніі асобага рэжыму па абвінавачваннях у стварэнні экстрэмісцкай супольнасці, фінансаванні экстрэмісцкай дзейнасці, закліках да экстрэмізму ў інтэрнэце.

Спачатку палітык знаходзіўся ў ПК-6 ва Уладзімірскай вобласці Расіі. У сярэдзіне снежня 2023 года Навальнага этапавалі ў калонію «Палярны воўк» у пасёлку Харп у Ямала-Ненецкай аўтаномнай акрузе. 27 разоў палітыка адпраўлялі ў ШІЗА.

У палітыка засталася жонка Юлія Навальная і двое дзяцей. Сям'я цяпер за мяжой.

Каментары71

  • Anatol Starkou
    16.02.2024
    Шкада. 
    Шкада, што ні адной Канцэпцыі Вольнай Расіі не паспеў напісаць і выдаць.
  • Mafkees
    16.02.2024
    Вместе с Навальным умерла и ихняя "прекрасная роzzия будущего" Хавайте ублюдочную роzzию настоящего,имперские вы имбицилы.
  • Беня
    16.02.2024
    Отмучался. R. I. P.

50 дзецям адмовілі. У беларускамоўнай гімназіі Вільні замала месцаў, бацькі просяць набіраць больш класаў

50 дзецям адмовілі. У беларускамоўнай гімназіі Вільні замала месцаў, бацькі просяць набіраць больш класаў

Усе навіны →
Усе навіны

Беларуска вырасціла гіганцкі агурок, які важыць два кілаграмы ФОТАФАКТ1

У Іванаўскім раёне ратавальнікі дасталі змяю з канапы1

Марзалюк: У любой школе, у тым ліку ў рускамоўнай, гісторыю Беларусі і геаграфію трэба выкладаць па-беларуску60

Чарговы хапун у Баранавічах — затрымалі адразу пяць чалавек1

Беларусы ў Варшаве ладзяць вяселле для сваіх бульдогаў. У нявесты і жаніха будзе ўсё — ад торта да касцюмаў13

Цяпер у Беларусі, каб зрабіць ЭКА, патрэбна даведка ад псіхіятра. З’явіліся і іншыя абмежаванні3

Геймер вярнуўся на форум праз 11 гадоў бана — і так ашаламіў фарумчан, што яны захацелі яго зноў заблочыць

Ва ўнутраных войскаў заўважылі захоплены ўкраінскі бронеаўтамабіль. Як ён мог трапіць у Беларусь?2

У Варшаве падлеткі на жыўца лавілі педафіла, той адбіваўся нажом7

больш чытаных навін
больш лайканых навін

50 дзецям адмовілі. У беларускамоўнай гімназіі Вільні замала месцаў, бацькі просяць набіраць больш класаў

50 дзецям адмовілі. У беларускамоўнай гімназіі Вільні замала месцаў, бацькі просяць набіраць больш класаў

Галоўнае
Усе навіны →