Грамадства33

У Гомелі за палітыку пацярпеў яшчэ адзін праўладны прафсаюзнік

Выданню «Флагшток» стала вядома пра палітычныя рэпрэсіі ў дачыненні да старшыні праўладнага прафсаюза «Белпрафмаш» Аляксандра Балошкі. Ён атрымаў 10 дзён адміністрацыйнага арышту.

Сакратарка прафсаюза на зададзенае ёй пытанне адказала, што Аляксандр Балошка ў іх больш не працуе, тое ж, што ўжо былы кіраўнік выйшаў на волю, пацвердзіла.

Фотаздымак Балошкі з сайта абласнога аб'яднання прафсаюзаў быў выдалены яшчэ ў снежні.

У базе звестак «Вясны» ўдалося знайсці адзнаку пра суд над функцыянерам: пакаранне Аляксандру Балошку аформіў Яраслаў Парэмскі 29 лістапада ў судзе Чыгуначнага раёна паводле артыкула 19.11 КаАП («распаўсюд, выраб, захоўванне, перавозка інфармацыйнай прадукцыі, якая змяшчае заклікі да экстрэмісцкай дзейнасці або прапагандуе такую дзейнасць»).

Аляксандр Балошка пачаў працаваць на заводзе станочных вузлоў у 1985 годзе слесарам, да 2005 года стаў старшым майстрам электрасілавога ўчастка. Пасля чаго перайшоў да прафсаюзнай дзейнасці: з 2005 да 2020 з'яўляўся кіраўніком першаснай прафсаюзнай арганізацыі ААТ «Гомельскі завод станочных вузлоў».

Як мінімум двойчы Балошка ўдзельнічаў у арганізацыі выбарчых кампаній у ролі старшыні ўчастковай выбарчай камісіі № 2 Гомельскай Сельмашаўскай выбарчай акругі № 32: у 2016 і 2019 гадах. У пачатку 2020 года аднагалосным галасаваннем Балошка быў прызначаны на пасаду старшыні абласной арганізацыі «Белпрафмаш».

Раней стала вядома, што з Гомельскага абласнога аб'яднання прафсаюзаў «за экстрэмізм» звольнілі пасля затрымання старшыню банкаўскага прафсаюза Таццяну Хацкову. Гэта здарылася пасля таго, як яе асудзілі на 15 сутак арышту.

Каментары3

  • Kotya
    22.01.2024
    Так старался выборы фальсифицировать для системы, а система за один прокол вытерла об него ноги
  • Кастусь
    22.01.2024
    таварыш сталiн, здарылася жудасная памылка!
  • Ёсік
    23.01.2024
    Усё, жыцьцё скончылася, ідзі ў свіран, бяры лейцы ды засілься небарака. Адзін камент, адна падабайка, адно фота - тваё ўтульнае жыцьцё паляцела пад адхон.

Дар‘я Лосік выйшла на свабоду па памілаванні12

Дар‘я Лосік выйшла на свабоду па памілаванні

Усе навіны →
Усе навіны

Паўла Латушку выклікалі ў польскую пракуратуру2

Расійскі вайсковец, якога нібыта сёння ўзарвалі ў Маскве: Я жывы, сяджу на працы

Спевака — пастаяннага ўдзельніка афіцыйных канцэртаў — будуць судзіць за пратэсты1

Сярэдні заробак у чэрвені вырас на 50 рублёў, але наколькі ён адлюстроўвае рэальную сітуацыю?

Дзікавіцкі: Каманда «Белсата» амаль не мае ніякага ўплыву на сітуацыю3

Стрыжак тлумачыць, чаму супраць перамоваў з лукашэнкаўцамі і якая яго прапанова1

Сталі вядомыя падрабязнасці сустрэчы Дуды і Сі Цзіньпіна наконт рэжыму Лукашэнкі

На таргах у Мінску даляр з салідным запасам рухнуў да гадавога мініміму1

«Падрыхтоўка да Алімпіяды прайшла не так, як планавала». Ціманоўская расказала, з якім настроем едзе ў Парыж6

больш чытаных навін
больш лайканых навін

Дар‘я Лосік выйшла на свабоду па памілаванні12

Дар‘я Лосік выйшла на свабоду па памілаванні

Галоўнае
Усе навіны →