Квіткі ў Варшаву імкліва даражэюць, а з Мінска да Гродна на некаторыя дні ўжо размялі
Квіткі на канец снежня і пачатак студзеня на многія рэйсы з беларускіх гарадоў у Польшчу ўжо распрададзеныя. Таксама няпростай выглядае сітуацыя і з месцамі ў маршрутках са сталіцы ў абласныя цэнтры.
Амаль у два разы даражэй, чым звычайна
Складаней за ўсё сітуацыя выглядае з білетамі па маршруце Мінск-Варшава. У першыя дні новага года дабрацца з Мінска ў сталіцу Польшчы можна па цане 200 рублёў за месца, калі звычайна білеты ў гэтым кірунку каштуюць ад 110 да 140 рублёў. На сайце atlasbus.by засталіся толькі чатыры квіткі з выездам на 2 студзеня.
Павышэнне цаны тлумачыцца ўзрослым попытам. На сайце перавозчыка пазначана, што гэта вымушаная мера, якая дазваляе прыцягнуць больш маршрутак, каб месцаў хапіла большай колькасці пасажыраў.
Таксама вобмаль білетаў на 3 студзеня. Цэны аналагічныя — 200 рублёў за месца. Апроч 2 і 3 студзеня, павышаны кошт білетаў і адпаведны дэфіцыт назіраецца на 5 і 7 студзеня. Яшчэ складаней выехаць з Мінска ў Варшаву ў апошнія дні 2023 года. Усе білеты з выездам на 30 і 31 снежня распрададзеныя.
А вось пачынаючы з 9 студзеня цэны на квіткі вяртаюцца на стары ўзровень — іх можна набыць па 115 рублёў за месца.
Нагадаем, што на піку цэны на білеты з Варшавы ў Мінск дасягалі 350 рублёў.
Па маршруце Мінск-Вільня падобных праблем не назіраецца. Некалькі вольных месцаў пакуль што ёсць нават з выездам аб 11-й раніцы 1 студзеня. Кошт квіткоў — 80 рублёў.
Як сітуацыя з рэйсамі ўнутры краіны
Недахоп квіткоў назіраецца і на рэйсы, якія злучаюць сталіцу з абласнымі цэнтрамі.
Так, напрыклад, на 23 снежня распрададзеныя ўсе квіткі з Мінска ў Магілёў. Тое самае з квіткамі на 29-31 снежня.
З Мінска да Гродна няма квіткоў на 23 і 30 снежня. Тым не менш, у адрозненне ад міжнародных рэйсаў павышаны попыт асабліва не ўплывае на цану. З Мінска ў Магілёў можна дабрацца за 25 рублёў, а ў Гродна — за 30.
Чытайце таксама:
Колькі цяпер займае праходжанне мяжы? Беларусы пра паездкі ў ЕС на аўтобусах і аўто
Людзі разбіваюць адзін аднаму галовы. З-за велізарнай чаргі на польска-беларускай мяжы ўзнікаюць канфлікты
Прадукты, якія ў Беларусі каштуюць танней, чым у суседніх краінах ЕС
Лукашэнка заявіў, што сям‘я можа бачыцца з Калеснікавай і што яна нічым не адрозніваецца ад «мільёна» іншых палітвязняў23
Лукашэнка заявіў, што сям‘я можа бачыцца з Калеснікавай і што яна нічым не адрозніваецца ад «мільёна» іншых палітвязняў
«Дамоклаў Меч». Канал «Белорусскій сіловік» настолькі прарасійскі, што многія меркавалі: гэта расіяне яго вядуць. Не, за ім стаіць суперагент Лукашэнкі3838
Каментары