Свет11

Швэдар прынцэсы Дыяны з чорнай авечкай прадалі за мільён даляраў

Арганізатары аўкцыёну першапачаткова ацанілі гістарычны швэдар у 50-80 тысяч даляраў.

Фота: Alexi Rosenfeld / Getty Images

Швэдар памерлай прынцэсы Дыяны з адной чорнай авечкай сярод мноства белых прадалі на аўкцыёне Sotheby's у Нью-Ёрку за 1,14 млн даляраў, піша Бі-бі-сі.

Арганізатары аўкцыёну першапачаткова ацанілі гістарычны швэдар у 50-80 тысяч даляраў. Завочныя таргі за швэдар былі адкрыты яшчэ 31 жніўня, і да самых апошніх хвілін аўкцыёну самай вялікай была прапанова ў 200 тысяч даляраў.

Але ў выніку самы шчодры апошні пакупнік — Sotheby's не раскрывае яго асобы — прапанаваў суму ў пяць з паловай разоў большую.

Гэты чырвоны швэдар з шэрагамі белых авечак і адной чорнай сярод іх Дыяна Спенсер — тады яшчэ не прынцэса, а толькі нявеста прынца Чарльза — апранала ў 1981 годзе.

Сёлета, у сакавіку, як піша Sotheby's, яго знайшлі на гарышчы і вырашылі прадаць. У выніку ён прынёс больш грошай, чым любая з рэчаў Дыяны, што выстаўляліся на аўкцыён.

Яе аўтамабіль Ford Escort летась быў прададзены за 806 тыс. даляраў.

Яе «крыж Аталы» з аметыстамі і дыяментамі ў пачатку гэтага года купіла Кім Кардаш'ян за 203 тысяч даляраў.

Прыхільнікі Дыяны, успамінаючы гэты швэдар, часта казалі, што яна насіла гэтую чорную авечку сярод белых як сімвал яе становішча ў каралеўскай сям'і. Але гісторыкі моды мяркуюць, што гэта рамантычнае перабольшанне: яна выйшла ў ім у свет за месяц да вяселля з прынцам Чарльзам.

У тую эпоху, калі яшчэ не было ні сацсетак, ні нават інтэрнэту, фатаграфіі Дыяны ў гэтым швэдры ў газетах зрабілі фантастычную рэкламу фірмы Warm and Wonderful («цёпла і цудоўна»), якая прыдумала гэты дызайн.

Неўзабаве пасля вяселля Букінгемскі палац напісаў у Warm and Wonderful, што швэдар прадзіравіўся, і яго добра б замяніць. Фірма даслала новы такі ж, і Дыяна надзявала яго ў 1983 годзе.

Sotheby's прыклалі да лота гэты ліст Букінгемскага палаца, а таксама пісьмовую падзяку за замену. Дзірачка ж на швэдры паслужыла доказам таго, што ён — той самы, першы.

Каментары1

  • аматарка Чорнага квадрату
    15.09.2023
    оспідзя. якія ж е*анутыя гэныя багачы

Сілавікі ўзяліся за карыстальнікаў твітара — дзясяткі акаўнтаў звычайных беларусаў сталі «экстрэмісцкімі»9

Сілавікі ўзяліся за карыстальнікаў твітара — дзясяткі акаўнтаў звычайных беларусаў сталі «экстрэмісцкімі»

Усе навіны →
Усе навіны

Былы нямецкі міністр схуднеў на 30 кілаграмаў і адправіў вопратку ва Украіну

Што з выездам з Беларусі па стане на раніцу суботы?

Як хутка засаліць грыбы (каб узімку яны былі як свежыя)2

У Беларусі новае экстрэмісцкае фармаванне — «Школа лідарства для жанчын»2

Серыяльныя забойцы: справу братоў Менэндэс 35-гадовай даўніны разгледзяць зноў з-за серыяла Netflix4

«Вырашыш уцячы — паламаю ногі». Былы палітвязень расказаў аб працы на хіміі па 18 гадзін на дзень4

Памочнікі Палесціны сталі фаварытамі Нобелеўскай прэміі міру. Як так атрымалася?6

Помнік Францыску Скарыну ў Калінінградзе перанеслі на іншае месца4

У Дэмакратычнай Рэспубліцы Конга на возеры перакулілася судна. Ахвяр можа быць сотні3

больш чытаных навін
больш лайканых навін

Сілавікі ўзяліся за карыстальнікаў твітара — дзясяткі акаўнтаў звычайных беларусаў сталі «экстрэмісцкімі»9

Сілавікі ўзяліся за карыстальнікаў твітара — дзясяткі акаўнтаў звычайных беларусаў сталі «экстрэмісцкімі»

Галоўнае
Усе навіны →