Названы гульцы зборнай на матчы з Андорай і Ізраілем. Ёсць нават беларус з чэмпіянату Іспаніі. Але не спяшайцеся радавацца
Збор галоўнай футбольнай каманды краіны працягнецца з 3 да 14 верасня. Адборачны матч Еўра-2024 з Андорай адбудзецца 9 верасня, а з Ізраілем — 12 верасня.
Галоўны трэнер зборнай Беларусі па футболе Карлас Алас Ферэр вызначыўся з канчатковым спісам гульцоў, якія згуляюць у матчах кваліфікацыі чэмпіянату Еўропы-2024.
У фінальную заяўку трапілі 23 футбалісты.
Гэта тры галкіперы — Максім Плотнікаў («Каспій», Казахстан), Сяргей Ігнатовіч («Шахцёр», Салігорск) і Андрэй Кудравец (БАТЭ, Барысаў),
Абаронцы: Дзяніс Палякоў («Хапаэль», Хайфа, Ізраіль), Сяргей Паліцевіч («Дынама-Мінск»), Кірыл Пячэнін («Арэнбург», Расія), Уладзіслаў Малькевіч (БАТЭ, Барысаў), Захар Волкаў («Хімкі», Расія), Сяргей Карповіч, Ягор Пархоменка (абодва — «Нёман», Гродна), Леанарда Маскара-Капілевіч («Севілья Атлетыка», Іспанія).
Паўабаронцы: Уладзіслаў Клімовіч («Дыяшдз'ёр», Венгрыя), Макс Эбонг («Астана», Казахстан), Арцём Быкаў, Аляксандр Сялява (абодва — «Дынама-Мінск»), Юрый Кавалёў, Кірыл Капленка (абодва — «Арэнбург», Расія), Мікіта Корзун («Шахцёр», Салігорск), Валерый Бачэраў (БАТЭ, Барысаў).
Форварды: Павел Савіцкі («Нёман», Гродна), Іван Бахар («Дынама-Мінск»), Віталь Лісаковіч («Рубін», Казань, Расія) і Уладзіслаў Марозаў («Дынама-Мінск»).
Звяртае на сябе ўвагу выклік у зборную Леанарда Маскара-Капілевіча, які гуляе за «Севілья-Атлетыка». Але тут неабходна звярнуць увагу на наступныя рэчы.
Гэты гулец раней выклікаўся ў склад беларускай юнацкай зборнай і нават згуляў два матчы.
Леанарда нарадзіўся 20 год таму ў сям'і беларускі, што перабралася ў Іспанію, і мясцовага жыхара.
Цяпер ён выступае за клуб «Севілья Атлетыка», які з'яўляецца філіялам клуба «Севілья».
«Севілья Атлетыка» гуляе ў чацвертым дывізіёне ў Іспаніі. Там гуляе пяць групаў па 18 камандаў у кожнай. У мінулым сезоне «Севілья Атлетыка» фінішаваў на 10-м месцы.
У свой час у вышэйшай лізе чэмпіянату Іспаніі (сёння — Ла Ліга) выступалі Сяргей Гурэнка («Рэал Сарагоса»), Аляксандр Глеб («Барселона»), а гулец яшчэ мінскага «Дынама» 1980-х Андрэй Зыгмантовіч дапамог «Расінгу» выйсці ў вышэйшы дывізіён.
Але няма таго, што раньш было, як казаў паэт, зорка якога заззяла ў год нараджэння беларускага футбола.
БАТЭ прапусціў чатыры мячы ад косаўскага «Балкані»
Прызначаны новы галоўны трэнер зборнай Беларусі па футболе. Папярэднім месцам яго працы была зборная Руанды
«Беларускі футбол амаль не гляджу». Экс-трэнер нацыянальнай зборнай амаль два месяцы адпачывае ў Балгарыі
«Беларускі футбол амаль не гляджу». Экс-трэнер нацыянальнай зборнай амаль два месяцы адпачывае ў Балгарыі
Сілавікі ўзяліся за карыстальнікаў твітара — дзясяткі акаўнтаў звычайных беларусаў сталі «экстрэмісцкімі»7
Каментары