Прэзідэнт Польшчы расказаў, што павінен зрабіць Мінск для паляпшэння адносін з Варшавай
Анджэй Дуда дадаў, што польская мяжа з Беларуссю з’яўляецца таксама мяжой Еўрасаюза. Таму, паводле палітыка, Польшча нясе адказнасць і перад сваімі еўрапейскімі саюзнікамі.
Беларусь павінна спыніць гібрыдныя атакі на польскай мяжы, заявіў прэзідэнт Польшчы ў адказ на нядаўнюю заяву Аляксандра Лукашэнкі, які казаў, што хоча палепшыць адносіны паміж Беларуссю і Польшчай, піша Польскае радыё.
Анджэй Дуда заявіў у Варшаве падчас сустрэчы з прэзідэнтам Латвіі, што для паляпшэння адносінаў паміж дзвюма краінамі Беларусь павінна спыніць гібрыдныя атакі на мяжы. Гаворка ідзе пра сотні мігрантаў, якіх беларускі рэжым шмат месяцаў спрабуе пераправіць у Польшчу:
«Не сакрэт, бо ў нас ёсць доказы ў выглядзе відэаматэрыялаў, што называць гэтыя дзеянні гібрыднай атакай не беспадстаўна. Бо не хто іншы, як прадстаўнікі беларускіх службаў, беларускія афіцэры ўдзельнічалі ў выцясненні мігрантаў да лініі мяжы».
Анджэй Дуда дадаў, што польская мяжа з Беларуссю з’яўляецца таксама мяжой Еўрасаюза. Таму, паводле палітыка, Польшча нясе адказнасць і перад сваімі еўрапейскімі саюзнікамі.
МЗС Польшчы расказала, што павінна здарыцца для паляпшэння адносін Варшавы і Мінска
Краіны Балтыі і Польшча абмяркуюць пытанне закрыцця мяжы з Беларуссю ўжо ў гэтым месяцы
Літва ўсё ж закрывае два пункты пропуску на мяжы з Беларуссю
Незалежныя Украіна і Беларусь надзвычай важныя для незалежнай Польшчы — Анджэй Дуда
Каментары