Незалежныя Украіна і Беларусь надзвычай важныя для незалежнай Польшчы — Анджэй Дуда
«Незалежная Украіна і незалежная Беларусь надзвычай важныя для незалежнай Польшчы, для бяспекі нашых межаў, а мы, палякі, заўсёды ставімся да нашых межаў як да святыні», — заявіў падчас выступлення на парадзе з нагоды Дня Войска Польскага 15 жніўня ў Варшаве прэзідэнт гэтай краіны Анджэй Дуда.
Палітык адзначыў, што на працягу ўсёй гісторыі Польшчы яе межы «падвяргаліся нападам, і польскія жаўнеры пралівалі кроў, абараняючы іх, таму мы добра ведаем, што абарона межаў — гэта адна з абсалютных асноў незалежнасці».
Пасля перакідкі ў Беларусь наймітаў расійскай ПВК «Вагнер» Польшча заявіла пра намер умацаваць межы, а менавіта Сувалскі калідор і «Брэсцкую браму», якія з'яўляюцца «адчувальнымі пунктамі».
Вось і сёння Дуда заявіў:
«Усе ў Польшчы мусяць зразумець, што ўвесь час супраць нас робяцца і будуць рабіцца розныя правакацыі. Такі цяпер час, таму мы мусім быць у пастаяннай гатоўнасці».
Пры гэтым польскі прэзідэнт падкрэсліў, што пытанні бяспекі дзяржавы не мусяць быць прадметам палітычных спрэчак:
«Заклікаю ўсіх палітыкаў да адказнасці. Не паддавайцеся на правакацыі, не давайце сабой маніпуляваць. Бяспека Польшчы — найважнейшая справа. Абавязак палітыкаў — клапаціцца пра бяспеку Польшчы, палякаў і полек».
Чытайце таксама:
-
Рэаліі расійскай правінцыі: пакуль муж быў на фронце, жонка пайшла да іншага. Сужыхар яе забіў і таксама пайшоў на вайну
-
Ізраіль правёў кібератаку на членаў «Хезбалы». Пейджары 1200 баевікоў адначасова ўзарваліся проста ў кішэнях ВІДЭА
-
Салаўёў сцвярджае, што за выбухі пэйджараў у Ліване адказны ізраільскі агент «Махшыр Кешэр». Рагоча ўвесь інтэрнэт
Коля Лукашэнка сыграў на раялі на «Дні народнага адзінства». Яго тата перад гэтым прыгразіў Трэцяй сусветнай вайной11
Каментары
Ведь, зависимая от России и оккупированная Россией Беларусь, вернее лукашенки и их кодла, давно наработали на такие решения и такой подход.