«Каб зрабіць свой сціплы ўнёсак у агульную справу». Футбалістаў «Тарпеда-БелАЗ» адправілі на працу ў калгас
Гульцоў і трэнераў футбольнага клуба «Тарпеда-БелАЗ» з Жодзіна адправілі дапамагаць падшэфнаму сельскагаспадарчаму прадпрыемству, паведаміла прэс-служба каманды.
![](http://d3kcf2pe5t7rrb.cloudfront.net/img/w732d4webp1/photos/z_2023_08/a8p1e1hypolkwe39mp6y7mssdit6fkw3-f6qf6.jpg.webp)
Паводле афіцыйнай версіі прэс-службы, выезд футбалістаў не на футбольнае поле быў вынікам іх унутраных імпульсаў:
![](http://d3kcf2pe5t7rrb.cloudfront.net/img/w732d4webp1/photos/z_2023_08/08b6b578dj9pl7w8ni1aaw32fp7rluj2-fibye.jpg.webp)
«Такую ініцыятыву тарпедаўцы праявілі, каб зрабіць свой сціплы ўнёсак у агульную справу забеспячэння харчовай бяспекі краіны, а таксама адчуць прыналежнасць да шматграннай дзейнасці прадпрыемства, якое з'яўляецца галоўным спонсарам футбольнага клуба».
![](http://d3kcf2pe5t7rrb.cloudfront.net/img/w732d4webp1/photos/z_2023_08/k0a65wihkve45h8t2b1pskexaggg7ioy-cd3w6.jpg.webp)
Працавалі спартсмены ў СВК «Першамайскі», які належыць Беларускаму аўтазаводу. А даручылі ім такі адказны ўчастак, як збіранне з поля камення.
![](http://d3kcf2pe5t7rrb.cloudfront.net/img/w732d4webp1/photos/z_2023_08/cz3q0xgswx8f33ssae6xr4gig13b4imf-wkwxm.jpg.webp)
Трэба думаць, што вынікі гэтай працы для футбалістаў былі больш паспяховыя, чым уласна спартыўныя. Так, на мінулых выхадных клуб звёў сустрэчу са «Смаргонню» да нічыёй 1:1, а да гэтага саступіў брэсцкаму «Дынама» з лікам 1:2. У кваліфікацыі ў Лізе канферэнцый тарпедаўцы таксама не мелі поспеху ў супрацьстаянні з кіпрскім АЕКам.
![](http://d3kcf2pe5t7rrb.cloudfront.net/img/w732d4webp1/photos/z_2023_08/rv095k9dov3abe1sxrdwuavdaofey9dn-fnqdl.jpg.webp)
Каментары