НАУ перадало ўкраінцам спіс асоб для ўвядзення супраць іх персанальных санкцый
Народнае антыкрызіснае ўпраўленне перадало Нацыянальнаму агенцтву па пытаннях прадухілення карупцыі Украіны пералік беларускіх фізічных асоб і арганізацый, якія актыўна падтрымліваюць расійскую агрэсію супраць Украіны, для ўвядзення супраць іх украінскім бокам нацыянальных санкцый, паведаміла прэс-служба НАУ.
![Павел Латушка](http://d3kcf2pe5t7rrb.cloudfront.net/img/w840d4webp1/photos/z_2020_08/_bun_nn_20200928-i514t.jpg.webp)
Пры гэтым арганізацыя адзначае, што імёны гэтых кандыдатаў на ўключэнне ў санкцыйны спіс 15 жніўня былі размешчаныя на спецыялізаваным ўкраінскім партале «Вайна і санкцыі». У яго ўвайшлі 24 суддзі і 15 дзяржпрапагандыстаў.
Акрамя таго, паводле інфармацыі НАУ, спісы «папоўняць і іншыя асобы і арганізацыі, звязаныя з так званай Саюзнай дзяржавай Беларусі і Расіі, у тым ліку датычныя да прымусовага перамяшчэння ўкраінскіх дзяцей, пастаянны камітэт Саюзнай дзяржавы».
Кіраўнік НАУ Павел Латушка адзначыў:
«Каманда НАУ знаходзіцца ў пастаянным кантакце з украінскім бокам наконт пытанняў санкцыйнага ціску і адказнасці. Гэта ўзаемадзеянне ўзмацнілася пасля нашага апошняга візіту ў Кіеў.
Адпаведныя спісы кандыдатаў на ўключэнне ў санкцыйны пералік будуць далей дапаўняцца, пашырацца і перадавацца ўкраінскаму боку, бо санкцыі з'яўляюцца адным з інструментаў адказнасці за ўчыненыя злачынствы».
Беларускі Чырвоны Крыж могуць выключыць з Міжнароднай федэрацыі — Латушка
«Выбар вельмі просты: Беларусь ці Лукашэнка». Латушка прапанаваў прадстаўнікам рэжыму дыялог на пэўных умовах
Латушка перадаў Украіне звесткі пра дзяцей, якіх вывезлі ў Беларусь і перадалі Расіі для ўсынаўлення
Латушка прапанаваў Польшчы прызнаць рэжым Лукашэнкі спонсарам тэрарызму
Каментары