Адборачныя групы:

  • A — Славенія, Украіна, Ізраіль, Партугалія;
  • B — Італія, Турцыя, Венгрыя, Ісландыя;
  • C — Іспанія, Латвія, Бельгія, Славакія;
  • D — Нямеччына, Чарнагорыя, Балгарыя, Швецыя;
  • E — Францыя, Харватыя, Боснія, Кіпр;
  • F — Грэцыя, Чэхія, Нідэрланды, Вялікабрытанія;
  • G — Сербія, Фінляндыя, Грузія, Данія;
  • H — Літва, Польшча, Эстонія, Паўночная Македонія.

Тры каманды, якія занялі першыя месцы ў кожнай групе, за выключэннем груп, у якія ўваходзяць сугаспадары Еўрабаскета-2025 (Кіпр, Фінляндыя, Польшча і Латвія), выйдуць у фінальны турнір.

У групах, у склад якіх будуць уваходзіць краіны-гаспадары, права на ўдзел у Еўрабаскеце атрымаюць гаспадар і дзве іншыя каманды, якія занялі самыя высокія месцы.

Фінальны турнір адбудзецца летам 2025 года, вырашальны матч пройдзе ў Рызе.

Зборныя Беларусі і Расіі, а таксама клубныя каманды дыскваліфікавалі з усіх баскетбольных турніраў пасля пачатку поўнамаштабнага ўварвання ва Украіну ў лютым 2022 года.

Клас
3
Панылы сорам
0
Ха-ха
0
Ого
0
Сумна
0
Абуральна
0