Вайна1111

«Кабаева не пацягнула, на жаль». Расійскія шавіністы рыхтуюцца знішчыць тых, хто іх спарадзіў

«23 гады на чале краіны стаяла нікчэмнасць, якая здолела пусціць пыл у вочы значнай часткі насельніцтва», — піша пра Пуціна палкоўнік ФСБ у адстаўцы Ігар Гіркін (Стралкоў). Іншыя спікеры шавіністычнага крыла выбіраюць яшчэ менш ласкавыя словы.

Vladimir Putin, Chief of the General Staff General Valery Gerasimov (left) and Russian Defense Minister Sergei Shaigu Владимир Путин, начальник Генерального штаба генерал Валерий Герасимов (слева) и министр обороны РФ Сергей Шайгу Уладзімір Пуцін, начальнік Генеральнага штаба генерал Валерый Герасімаў (злева) і міністр абароны Расіі Сяргей Шайгу
Уладзімір Пуцін, начальнік Генеральнага штаба генерал Валерый Герасімаў (злева) і міністр абароны Расіі Сяргей Шайгу. 21 снежня 2022 г. Фота: Mikhail Klimentyev, Sputnik, Kremlin Pool Photo via AP

Падрыў Крымскага моста выклікаў сярод расійскіх блогераў чарговы выбух бяссільнай злобы. «Рыбар» заклікае да жорсткай рэакцыі, а асобныя блогеры перайшлі да крытыкі асабіста Пуціна, які раней лічыўся недатыкальным «царом-бацюхнам».

Рэй вядзе палкоўнік ФСБ у адстаўцы, былы «міністр абароны» самаабвешчанай «ДНР», а цяпер блогер і актыўны крытык Крамля з ультрапатрыятычных пазіцый Ігар Гіркін (Стралкоў). Яго блогі сталі папулярнымі ў Расіі пасля таго, як ён першы стаў даваць праўдзівую і непрыхарошаную інфармацыю з франтоў і крытыкаваць расійскае камандаванне і ўлады. Прагнозы Гіркіна не раз спаўняліся. Ëн першы ў Расіі спрагназаваў правал наступу на Данбасе і адступленне расіян з-пад Херсона. Пры гэтым Стралкоў (Гіркін) застаецца на пазіцыях расійскага шавінізму і імперыялізму.

Ігар Стралкоў (Гіркін) Igor Strelkov (Ghirkin) Игорь Стрелков (Гиркин)
Ігар Гіркін (Стралкоў). Скрын відэа 

Стралкоў крытыкуе Пуціна за нерашучасць і самаўхіленне ад непрыемных задач.

«Шмат балбатні, мінімум спраў і абсалютная безадказнасць за правалы — вось стыль «позняга Пуціна» (года так з 14-га). А яшчэ — ашалелая выхвальная хлусня. Але і яе з пачатку СВА ўжо не пачуць…» — абураецца былы палкоўнік ФСБ.

Працягваючы свае развагі, Стралкоў ядавіта заўважае:

«Вымушаны шкадаваць, што Пуцін — не жанчына. У слабай характарам і не надта разумнай жанчыны маглі б быць таленавітыя фаварыты… Гэта як пашанцуе, насамрэч (часта бывала і зусім наадварот), але быў бы хаця б шанец. А Кабаева не пацягнула, на жаль…»

У іншым допісе былы палкоўнік ФСБ кажа, што «23 гады на чале краіны знаходзілася нікчэмнасць, якая здолела пусціць пыл у вочы значнай частцы насельніцтва. Цяпер яна — апошні востраў легітымнасці і ўстойлівасці дзяржавы. Скалупнуць яе незаконным шляхам — азначае «паспяхова завяршыць» справу тых, хто пасадзіў Унікальную Перавагу на прастол у свой час.

Але яшчэ шэсць гадоў ва ўладзе гэтай баязлівай няздары краіна не вытрымае. І адзінае, што ён мог бы зрабіць «пад заслону» карыснага, — намякае Гіркін, — гэта забяспечыць перадачу ўлады камусьці па-сапраўднаму дзеяздольнаму і адказнаму».

Радыкалізавалася і рыторыка іншага блогера. «Трынаццаты» вылучаецца сярод ваенкараў тым, што рэальна ваюе — з 2014 года. Гэтую вайну ён прайшоў ад першага дня, ад пачатку займаў радыкальныя пазіцыі, заклікаў забіваць украінскіх палонных, а з восені 2022 года, пасля адступлення расійскіх войскаў з-пад Херсона, у яго пастах нарастаюць істэрычныя ноткі.

Блогер "Трынаццаты" Blogger "Thirteenth" Блогер "Тринадцатый"
Блогер «Трынаццаты» належыць да супольнасці блогераў-шавіністаў, ускормленых Крамлём. Фота: яго тэлеграм-канал

«Трынаццаты» ў сваім гневе на кіраўніцтва Расіі не выбірае літаратурных выразаў.

На яго погляд,

«гэтыя «харошыя людзі» працягваюць «збожжавую здзелку», умовы выконваюцца «нашым бокам». Ён заклікае: «Не верце нікому, нам здрадзілі, ворагі сядзяць у Крамлі».

Блогер упэўнены, што ў сваіх поглядах ён не адзіны, і страшыць рашучымі дзеяннямі:

«Зяпу вы мне не закрыеце, нас сотні тысяч, вы альбо бл***і прымаеце нашы ўмовы, альбо народ вас тупа зжарэ, вас і вашых я****х дзяцей. Сардэчна запрашаем у рэальнасць!»

«Трынаццаты» вінаваціць ва ўсіх ваенных паражэннях кіраўніцтва ў Маскве: «Генерал Суравікін пад арыштам, скажу простымі словамі, што гэтыя пі**ры адзінаросы пра**лі Херсон, а ўсё спіхнулі на яго, а цяпер нахабна хлусяць, пі****ць, гледзячы нам у вочы! У іх у большасці двайное, а то і трайное грамадзянства! Некалі супрацоўнік КДБ здрадзіў прысязе Савецкаму Саюзу, а Ельцын і ягоная яб***я каманда нас знішчаюць. Чаго мы чакаем?»

Блогер накідваецца на дзяржаўныя тэлеканалы:

«Першы канал, «Расія 24» і іншая х***я — гэта абсалютная інфармацыйная памыйніца. Хто гэта глядзіць, віншую! Вы даўб**б! Хто там працуе, таксама віншую! Вы здраднік Радзімы, і неўзабаве вы за гэта адкажаце».

Як відаць, градус незадаволенасці расійскіх блогераў расце. Акрамя крытыкі асабіста Пуціна, чуваць і заклікі да фізічнай расправы з высокапастаўленымі здраднікамі радзімы.

Самі шавіністы прадчуваюць, што мяжа, за якой непазбежная або рэакцыя пуцінскага істэблішменту, або новы мяцеж, блізкая. 

«Х**і яно трыццаць гадоў сядзіць там, да крэсла ўжо прырасло! Ды не буду я маўчаць, у мяне ёсць поўнае маральнае права гаварыць!»

Такі пост з атакай асабіста на Пуціна «Трынаццаты» сёння спачатку апублікаваў, але праз 57 хвілін выдаліў.

Чытайце яшчэ:

Гіркін прагназуе разгром расійскіх групіровак у Сірыі і Арменіі турэцкімі войскамі

«Вы там …анулись …яди кремлевские?» Расійскіх блогераў і ваенкараў парвала ад навіны пра перамір’е

Гіркін: Беларусь у любым выпадку будзе ўцягнутая ў ваенныя дзеянні. Лукашэнку да Гаагі не давязуць

Каментары11

  • Рэальнасьць
    18.07.2023
    Петро, Разумна ведаць, што думаюць вашыя ворагі.
  • Просты факт
    18.07.2023
    Пуцін — толькі частка праблемы. Другая частка праблемы — расейскі імпэрыялізм, мілітарызм, экспансіянізм і садызм у выглядзе ідэалёгіі «русского мира», з Пуціным ці без Пуціна.
  • не такі як ёсць
    18.07.2023
    Петро, нічога дзіўнага. Пакуль беларусы чакаюць перамогі Украіны для вырашэння сваіх праблемаў, на Расеі спеюць суполкі шавіністаў, якія з лёгкасцю могуць прыйсці да ўлады. Думаю, не варта казаць, што Беларусі для іх не існуе як самастойнай дзяржавы.

«Я прыехала ў 4:50 і была ў чарзе 77-я». Як рыэлтарка набывала для сяброўкі кватэру ў элітным ЖК Мінска9

«Я прыехала ў 4:50 і была ў чарзе 77-я». Як рыэлтарка набывала для сяброўкі кватэру ў элітным ЖК Мінска

Усе навіны →
Усе навіны

Вельмі дзіўны грыб вырас у Белавежскай пушчы2

Малады хлопец пераехаў у вёску, завёў курэй з козамі і стаў зоркай тыктоку

Сталі вядомыя падрабязнасці жорсткага забойства амерыканскага Z-блогера Бэнтлі ў Данецку11

На рынку нерухомасці Мінска — ажыятаж. Разбіраюць нават элітнае жыллё3

Дырэктар беларускай IT-кампаніі Gurtam назваў галоўны сакрэт поспеху7

У Барысаве перабудуюць кінатэатр побач з саборам. На фасадзе чытаецца брыдкае слова з трох літар14

Сакрэтная служба ЗША ўсур'ёз занялася Іланам Маскам. Усё з-за аднаго твіта2

Буйное ізраільскае выданне абыграла прозвішча Салаўёва на іўрыце. Атрымаўся жорсткі рускі мат3

У Нідэрландах адродзяць створаны беларусам аўтамабільны брэнд1

больш чытаных навін
больш лайканых навін

«Я прыехала ў 4:50 і была ў чарзе 77-я». Як рыэлтарка набывала для сяброўкі кватэру ў элітным ЖК Мінска9

«Я прыехала ў 4:50 і была ў чарзе 77-я». Як рыэлтарка набывала для сяброўкі кватэру ў элітным ЖК Мінска

Галоўнае
Усе навіны →