У атэстатах і дыпломах новага ўзору замест прозвішча — «фамілія»
Бланкі дакументаў аб адукацыі памянялі са жніўня 2022 года, усе іх узоры сабраныя ў пастанове Саўміна № 274. А журналісты «Еўрарадыё», зірнуўшы на іх, пабачылі грубую лексічную памылку.
Ва ўсіх дакументах аб адукацыі, выкананых па-беларуску, замест слова «прозвішча» стаіць слова «фамілія».
Між тым апошняе слова, хоць і ёсць у беларускай мове, але ў іншым значэнні: калі ідзе гаворка пра род, шэраг пакаленняў з адным прозвішчам. Слоўнік дае прыклад: «Фамільны дом Міцкевічаў».
Каментары