Людзі ў хакі перакрылі адну з вуліц у сталіцы.
![](http://d3kcf2pe5t7rrb.cloudfront.net/img/w732d4webp1/photos/z_2023_05/mr7bur9pbmimvyvyzq9153c3mw5hzm8x-d6h5q.jpg.webp)
Мінчукі даслалі ў рэдакцыю Tochka.by наступныя відэа: у мікрараёне Лошыца пасярод дарогі паставілі блокпост — бетонныя блокі і мяшкі з пяском. За імі ходзяць людзі ў вайсковай форме.
Высветлілася, што вайскоўцы перакрылі вуліцу Уладзіслава Сыракомлі ў самым яе канцы. Месца непрыкметнае, у тупіку — ля чыгуначнага прыпынку «Лошыца».
![](http://d3kcf2pe5t7rrb.cloudfront.net/img/w732d4webp1/photos/z_2023_05/9eky0n8g8nyq87p2ve6ywwgcp8tlooio-9o3jn.jpg.webp)
Блокпост выглядае так: мяшкі з пяском, бетонныя блокі і шлагбаум. Побач палявы лагер — намёт накрылі маскіровачнай сеткай.
Вайскоўцы расказалі, што ідзе трэніроўка войскаў тэрытарыяльнай абароны. Працягнецца яна яшчэ прыкладна тыдзень.
![](http://d3kcf2pe5t7rrb.cloudfront.net/img/w732d4webp1/photos/z_2023_05/nob89heg25bi6281xmbxaakvbsotvrdm-lsyiu.jpg.webp)
Тэрабарона трэніруецца па ўсёй краіне. Не толькі на зямлі, але нават на вадзе. Вайсковыя зборы праходзілі 26 мая на рацэ Сож.
«Тэрытарыяльная абарона з сістэмы, якая забяспечвае, трансфармуецца ў паўнавартасную баявую», — заявіў міністр абароны Віктар Хрэнін на адкрыцці вайсковага збору.
Па задумцы трэніроўкі, байцы тэрытарыяльных войскаў лавілі ўмоўных дыверсантаў. Тэрабароне дапамагаў дэсант сіл спецыяльных аперацый.
Каментары