Пры гэтым яшчэ тры гады таму ён быў самым папулярным замежным палітыкам ва Украіне.
Украінскі цэнтр эканамічных і палітычных даследаванняў імя Разумкова ў канцы лютага правёў чарговае апытанне сярод украінцаў наконт іх стаўлення да Беларусі.
У асабістым фармаце было апытана 2020 рэспандэнтаў розных узростаў, акрамя непаўналетніх, з усіх падкантрольных уладам Украіны тэрыторый. Паводле аўтараў даследавання, яго хібнасць не перавышае 2,3%.
Вынікі гэтага апытання мы прыводзім ніжэй.
- 80,6% рэспандэнтаў лічаць, што Беларусь з'яўляецца паўнапраўным удзельнікам вайны супраць Украіны. 7,5% кажуць, што гэта не так.
- Толькі 12,4% станоўча ставяцца да Беларусі, а амаль 81% — негатыўна.
- Каля 70% пасля заканчэння вайны ў цэлым згодны на поўны разрыў любых адносін з Беларуссю разам з забаронай на ўезд ва Украіну ўсіх грамадзян Рэспублікі Беларусь (акрамя палітычных уцекачоў).
«Амаль усе апытаныя выказалі негатыўнае стаўленне да Аляксандра Лукашэнкі (76,3% — негатыўна, 15,9% — рэзка негатыўна). Пры гэтым толькі 3,3% выказаліся ў ягоны адрас пазітыўна», — гаворыцца ў справаздачы.
Характэрна, што, паводле інфармацыі гэтага ж сацыялагічнага цэнтра, тры гады таму Лукашэнка быў самым папулярным замежным палітыкам ва Украіне.
Тады па апытаннях яму давярала 46% рэспандэнтаў, што, напрыклад, перавышала паказчык украінскага даверу тагачаснаму канцлеру Германіі Ангеле Меркель (36,5%).
Сярод украінскіх палітычных сіл большы давер да Лукашэнкі ў 2020 выказвалі ў прарасійскай партыі «Апазіцыйная платформа — за жыццё» (лідара якой яшчэ летась абмянялі на абаронцаў «Азоўсталі») — 79%.
А ў партыі «Слуга народа» дзейнага прэзідэнта Украіны Уладзіміра Зяленскага пазітыўнае стаўленне да Лукашэнкі тады выказвалі 54% апытаных.
Нагадаем, што 7 сакавіка Лукашэнка назваў Зяленскага «гнідай» пасля паспяховай дыверсіі супраць расійскага самалёта-наводчыка ў Мачулішчах.
Украінскі бок на гэтую абразу адказваць не стаў.
Лукашэнка заявіў пра «ўкраінскага тэрарыста» і затрыманне «дваццаці саўдзельнікаў»
Аляксей Данілаў: Украіна не разрывае дыпламатычных адносін з Беларуссю, каб не правакаваць Лукашэнку
«Мы ведалі пра будучую атаку на Кіеў з Беларусі і закулісна падрыхтоўвалі Украіну для яе адбіцця». Энтані Блінкен даў вялікае інтэрв'ю да гадавіны вайны ва Украіне
Усё здарылася на Новы год. Смерць самай публічнай супрацоўніцы мінскага АМАПа дагэтуль пакідае пытанні11
Каментары