У Мінску жыхарам хрушчовак удалося адбіцца ад пабудовы шматпавярховіка ў іхнім двары
Даволі нечакана завяршылася гісторыя супрацьстаяння мясцовых жыхароў з забудоўшчыкам у раёне станцыі метро «Грушаўка» ў Мінску. У двары некалькіх хрушчовак планавалі пабудаваць 16-павярховы аднапад'ездны дом на месцы кацельні, майстэрні і гаражоў, якія не выкарыстоўваліся. Але планы выклікалі пратэст, і жыхарам, як ні дзіўна, удалося дабіцца свайго, піша Office Life.
Жыхары напісалі звароты да мясцовых улад. У выніку пытанне выйшла на ўзровень гарвыканкама, і неўзабаве будаўніцтва «слупка» ў двары пяціпавярховікаў адмянілі.
Замоўцам будаўніцтва выступала дзяржаўнае УКБ «Захад», якое хацела за кошт шматпавярховіка часткова пакрыць выдаткі на дабудоўванне «Грушаўскага пасада».
Як расказала агенцтву «Мінск-Навіны» старшыня камітэта будаўніцтва і інвестыцый Мінгарвыканкама Ірына Гонтарава, упраўленню капітальнага будаўніцтва знайшлі новую пляцоўку пад забудову. Цяпер 16-павярховы дом узвядуць на месцы недабудаванага паркінга на вул. Каралінскай.
Гэта нашмат далей ад цэнтра горада, чым Грушаўка, адпаведна, раён там менш прэстыжны з пункту гледжання кошту жылля.
Звычайна мясцовыя ўлады ў Мінску ў спрэчках з жыхарамі з нагоды ўшчыльнення жылых раёнаў прымаюць бок забудоўшчыка.
«Таня, мы з табой!» Улады запусцілі флэшмоб у падтрымку жанчыны ў чырвона-зялёным ВІДЭА27
Каментары