Новы пакет санкцый Еўрасаюза могуць прымеркаваць да гадавіны пачатку вайны
10-ы пакет санкцый Еўрасаюза пасля ўварвання Расіі ва Украіну павінен быць гатовы да першай гадавіны ўварвання — 24 лютага. Пра гэта паведамляе Reuters.
Польшча і Літва прапануюць Еўрасаюзу забараніць больш расійскіх прапагандысцкіх медыя і адключыць больш расійскіх банкаў ад глабальнай сістэмы абмену паведамленнямі SWIFT. Таксама гэтыя краіны хочуць, каб Еўрапейскі саюз увёў абмежаванні ў дачыненні да расійскага ядзернага сектара.
Апрача таго, прапануюцца новыя санкцыі ў дачыненні да Беларусі, каб перакрыць магчымасці абыходу раней уведзеных абмежаванняў.
Праўда, паводле слоў аднаго з дыпламатаў, «усё цяжэй дамагчыся неабходнай аднадушнасці ў ЕС для новых санкцый».
Каментары