У Марока трэція суткі спрабуюць выратаваць пяцігадовага хлопчыка, які праваліўся ў 32-метровы калодзеж
Пяцігадовы Раян гуляў каля калодзежа ў горадзе Тарту за сто кіламетраў ад паўночнай правінцыі Шэфшаўэн і выпадкова праваліўся ўнутр. Бацька Раяна распавёў мясцовым СМІ, што некалькі гадзін шукаў сына, пасля чаго зразумеў, што той упаў у калодзеж.
«Я малю Бога, каб ён выйшаў з гэтага калодзежа цэлым», — сказала мясцоваму тэлеканалу маці зніклага хлопчыка Васіма Харчыч.
Imagine being the parents of #Rayan, watching your 5-year-old on a monitor while he's 32 meters (104ft) under the ground. A true nightmare! Nobody should see their child be buried alive. Truly pray that the Almighty answers our prayers and helps the rescue teams save him.#Morocco pic.twitter.com/98IMzNSwrv
Па паведамленнях ратавальнікаў, у чацвер ім удалося апусціць на дно калодзежа кісларод і ваду пры дапамозе вяроўкі, піша Бі-бі-сі.
«Мне ўдалося пагаварыць з дзіцем, я спытаў, ці чуе ён мяне. Ён адказаў. Я пачакаў каля хвіліны і ўбачыў, што ён скарыстаўся кіслародам», — распавёў мясцоваму СМІ валанцёр Чырвонага Крыжа і Паўмесяца Імад Фахмі.
Dramatic operation to rescue 5-year-old boy trapped in a deep well for over two days nearing its end, Moroccan authorities say.
Rayan fell down the narrow 32-metre (100-foot) deep well on Tuesday evening https://t.co/1BjvNCKkPQ pic.twitter.com/nehmXLtmWj
Валанцёры таксама апусцілі на дно камеру, каб сачыць за хлопчыкам. Нягледзячы на падзенне з вялікай вышыні, на кадрах відэазапісу відаць, што хлопчык знаходзіцца ў прытомнасці, у яго ёсць нязначныя траўмы галавы.
Пры дапамозе пяці бульдозераў ратавальнікі выкапалі яму глыбінёй 19 метраў паралельна калодзежу. Затым яны пракапаюць тры метры па гарызанталі паміж ямай і калодзежам, каб дастаць дзіця.
Ратавальныя працы ўскладняе вузкая адтуліна калодзежа, каля 25 сантыметраў у дыяметры. На глыбіні больш 25 метраў гэтая адтуліна становіцца яшчэ вузейшай, таму папярэднія спробы дабрацца да дзіцяці былі беспаспяховыя.
На месцы здарэння дзяжураць дактары і верталёт, які даставіць хлопчыка ў найбліжэйшую бальніцу.
Тысячы людзей выказалі падтрымку хлопчыку ў сацсетках: хэштэг#SaveRayan на працягу некалькіх гадзін знаходзіцца ў топе трэндаў Твітара ў Марока.
Каментары