Дырэктар Адэскага заапарка пераапрануўся ў тыгра і хапаў жанчыну за азадак ВІДЭА
Такім ролікам ён павіншаваў жыхароў горада з Новым годам.
У Адэсе дырэктар заапарка Ігар Белякоў вырашыў арыгінальна павіншаваць жыхароў горада з надыходзячым Новым годам. Для гэтага ён разам з іншымі работнікамі заапарка зняў пацешны кліп. Сам дырэктар для яго здымак пераўвасобіўся ў тыгра.
Святочны кліп ужо апублікавалі на YouTube-канале Адэскага заапарка.
Паводле сюжэту відэа дырэктар у касцюме тыгра грае ролю гадаванца заапарка і збягае з клеткі. Пасля гэтага ён ледзь не нападае на жанчыну, а калі тая спрабуе залезці на дрэва і выратавацца ад раз'юшанага «драпежніка», ён хапае яе за азадак, што на відэа паказалі буйным планам.
Затым тыгр бегае па заапарку і палохае людзей, а неўзабаве ў яго страляюць. Дырэктар у ролі жывёлы атрымлівае «кулю» з транквілізатарамі, пасля чаго яго забіраюць назад у клетку.
Усё гэта праходзіць пад песню пра Новы год, якую выконвае сам дырэктар.
Відэа выклікала ў гледачоў бурную рэакцыю. У каментарах да роліка і пастоў з ім у сацыяльных сетках украінцы пішуць, што сюжэт кліпа даволі дзіўны, а паводзіны самога дырэктара выклікаюць шмат пытанняў.
Але для Ігара Белякова падобнае відэа — не першае. У 2019 годзе ён запісаў навагодняе відэавіншаванне ў касцюме пацука. Дырэктар тады хадзіў па заапарку і рабіў «добрыя справы».
«Таня, мы з табой!» Улады запусцілі флэшмоб у падтрымку жанчыны ў чырвона-зялёным ВІДЭА27
Каментары