Пасля мерапрыемства ў Брэсце не толькі выслалі консула, але і распачалі справу па факце гераізацыі ваенных злачынцаў
Пракурор Брэста распачаў крымінальную справу па факце «гераізацыі ваенных злачынцаў». У ходзе даследчай праверкі ўстаноўлена, што 28 лютага 2021 года ў памяшканні, арандаваным «Брэсцкім форумам польскіх лакальных ініцыятыў» і ТАА «Польская школа», з удзелам непаўналетніх і моладзі праведзена «незаконнае масавае мерапрыемства», паведамляе служба інфармацыі пракуратуры Брэсцкай вобласці.
«Адзетыя ў нацыянальную форму польскай скаўцкай арганізацыі маладыя людзі выконвалі песні, чыталі вершы ў славу ваенных злачынцаў, у тым ліку Рамуальда Райса, вядомага па мянушцы Буры», — сцвярджаецца ў паведамленні ведамства.
Нагадаем, 9 сакавіка ў МЗС Беларусі быў выкліканы Часовы Павераны ў справах Польшчы ў Беларусі Марцін Вайцяхоўскі. Падчас сустрэчы польскаму дыпламату быў заяўлены рашучы пратэст у сувязі з удзелам консула Генеральнага консульства Рэспублікі Польшча ў Брэсце Ежы Цімафеюка ў неафіцыйным мерапрыемстве, прысвечаным «дню праклятых жаўнераў», які прайшоў 28 лютага 2021 года ў Брэсце з удзелам прадстаўнікоў звязаных з Польшчай няўрадавых і моладзевых арганізацый.
На думку беларускага боку, удзелам ва ўказаным мерапрыемстве польскі прадстаўнік «груба парушыў нормы міжнароднага права, у прыватнасці — Венскую канвенцыю аб консульскіх зносінах».
Консулу Генеральнага консульства Рэспублікі Польшча ў Брэсце Ежы Цімафеюку прапанавана пакінуць тэрыторыю Рэспублікі Беларусь.
Нацыянальны Дзень памяці «праклятых жаўнераў» адзначаецца ў Польшчы 1 сакавіка з 2011 года. Гаворка ідзе пра ўдзельнікаў антысавецкага падполля, якія змагаліся за незалежнасць краіны. Сярод іх былі і салдаты атрада Бурага, якія спалілі пяць вёсак на тэрыторыі з беларускім праваслаўным насельніцтвам.
Сілавікі ўзяліся за карыстальнікаў твітара — дзясяткі акаўнтаў звычайных беларусаў сталі «экстрэмісцкімі»9
Каментары