22-гадовы хлопец з таварышамі здзейснілі дзёрзкі крадзеж піва і цукерак. Але службовы сабака ўсё знайшоў
Здарэнне адбылося ў Гродне ў краме па вуліцы Савецкіх пагранічнікаў. 22-гадовы хлопец з дапамогай знаёмых пайшоў на «справу», паведамляе абласная міліцыя.
Хлопец прабраўся на склад ўніверсама, пакуль двое яго таварышаў адцягвалі ўвагу ахоўніка. У выніку ён змог адчыніць вароты, выставіць на вуліцу 8 скрыняў піва і некалькі дзясяткаў скрыняў какосавых цукерак — усяго на 400 рублёў. Пазней ён у некалькі заходаў перанёс тавар у кватэру-прытон.
Знікненне піва і цукерак супрацоўнікі ўніверсама выявілі, калі ўсё было ўжо перанесена ў кватэру. Супрацоўнікі крымінальнага вышуку пры падтрымцы калег з аховы са службовым сабакам знайшлі тую самую кватэру.
Прычым частка спіртнога і цукерак была ўжо «асвоена» наведвальнікамі прытона. Малады чалавек, які здзейсніў крадзеж, затрыманы.
Сілавікі ўзяліся за карыстальнікаў твітара — дзясяткі акаўнтаў звычайных беларусаў сталі «экстрэмісцкімі»8
Каментары